മൂക്കുതല കണ്ണേങ്കാവ് പൂരം നാളെ:

ചങ്ങരംകുളം: മൂക്കുതല കണ്ണേങ്കാവ് ഭഗവതീക്ഷേത്രത്തിൽ പൂരം വെള്ളിയാഴ്ച (20.01.23) ആഘോഷിക്കും. പൂരദിവസം പുലർച്ചേ മൂന്നിന് മഹാഗണപതിഹോമവും പ്രത്യേക പൂജകളും, ഒമ്പത് മുതൽ പന്ത്രണ്ടുവരെ പറനിറപ്പും നടക്കും. ഉച്ചയ്ക്ക് ഒന്നിന് കണ്ണേങ്കാവിൽ നിന്ന് മേലേക്കാവിലേക്ക് എഴുന്നള്ളിപ്പിനുശേഷം വിവിധ സ്ഥലങ്ങളിൽ നിന്ന് പുറപ്പെടുന്ന കരിങ്കാളികൾ ക്ഷേത്രത്തിൽ എത്തിച്ചേരും. വൈകുന്നേരം ആറു മുതൽ രാത്രി ഒമ്പതുവരെ വടക്കുംമുറി ദേശത്തിന്റെയും ചങ്ങരംകുളം കാഞ്ഞിയൂർ ദേശത്തിന്റെയും വെടിക്കെട്ട് ഉണ്ടാകും. ശനിയാഴ്ച്ച രാവിലെ ആറിന് കൂറ വലിക്കുന്നതോടെ പൂരം സമാപിക്കും