വട്ടംകുളം ഗ്രാമ പഞ്ചായത്ത്‌ സ്ത്രീ ശാക്തീകരണത്തിന്റെ ഭാഗമായി “ചുവട്” പദ്ധതിക്കുള്ള ബോധവത്കരണ ക്ലാസ്സ്‌:

എsപ്പാൾ: വട്ടംകുളം ഗ്രാമ പഞ്ചായത്തിൽ റിപ്പബ്ലിക് ദിനത്തിൽ എല്ലാ കുടുംബശ്രീ അംഗങ്ങളുടെയും GLG ഗ്രൂപിന്റെയും സംഗമം നടത്തുന്നതിന്റെ ഭാഗമായി, സാംസ്കാരിക നിലയത്തിൽ വെച്ച് നടന്ന ക്ലാസ്സിൽ “ഞങ്ങളും കൃഷിയിലേക്ക് “എന്ന പദ്ധതിയുടെ അഞ്ചുലക്ഷത്തി എൺപതിനായിരം രൂപ ചിലവഴിച്ചു നടത്തുന്ന മൂന്നാം ഘട്ട പച്ചക്കറി വിത്ത് വിതരണവും കൂടുതൽ സ്ഥലങ്ങളിൽ കൃഷി ചെയ്യുന്നവർക്ക് കൂലി ചിലവും നൽകുന്ന പരിപാടിയും കൂടിയുള്ള ഉദ്ഘടന സദസ്‌ സംഘടിപ്പിച്ചു. സ്ത്രീ മുന്നേറ്റത്തിന്റെ ഭാഗമായി ഓരോ വാർഡിൽ നിന്നും സ്ത്രീ ലീഡർമാർ, Cds&Ads, കുടുംബശ്രീ അംഗങ്ങൾ തുടങ്ങിയവർ പങ്കെടുത്ത പരിപാടിയിൽ കൃഷി ഓഫീസർ Dr: ഗായത്രി രാജശേഖർ സ്വാഗതം പറഞ്ഞു. CDS പ്രസിഡന്റ്‌ കാർത്ത്യായനി അധ്യക്ഷത വഹിച്ച ചടങ്ങിൽ ഗ്രാമ പഞ്ചായത്ത്‌ പ്രസിഡന്റ്‌ മജീദ് കഴുങ്കിൽ ഉദ്ഘാടനം നിർവഹിച്ചു. സ്ത്രീകളുടെ സാമ്പത്തിക സ്വാതന്ത്ര്യത്തിന്നായി അവരെ കരുത്തുറ്റവരാക്കി മാറ്റാനുള്ള ഉദ്യമത്തിൽ എല്ലാവരും ഒത്തൊരൂമിക്കയ്‌ക്കണമെന്നും, പങ്കാളികളാകണമെന്നും ഉദ്ഘടന പ്രസംഗത്തിൽ പ്രസിഡന്റ്‌ മജീദ് കഴുങ്കിൽ ആഹ്വാനം ചെയ്തു. വികസന സ്റ്റാൻഡിങ് കമ്മിറ്റി ചെയർമാൻ MA നജീബ് മുഖ്യതിഥി ആയിരുന്നു, ശ്രീജപാറക്കൽ (മെമ്പർ) അഭിവാദ്യമർപ്പിച്ചു സംസാരിച്ചു. റിസോർസ് പേഴ്സൺ സരസ്വതി ക്ലാസുകൾക്കു നേതൃത്വം നൽകി.