സി. ബി.എച്ചും പ്രാദേശിക ക്ലബ്ബുകളും ചേർന്നോരുക്കിയ തിമില മേളവും ഗാനോത്സവവും:

ചങ്ങരംകുളം: പന്താവൂരിലെ സി.ബി.എച്ചും പ്രാദേശിക ക്ലബ്ബുകളും ചേർന്ന് പുതുവർഷ സംഗമവും ഗാനമേളയും തിമില മേളവും നടത്തി. ചടങ്ങിൽ എഴുത്തുകാരനും വാഗ്മിയുമായ പി.മണികണ്ഠൻ അദ്ധ്യക്ഷത വഹിച്ചു. പഞ്ചവാദ്യത്തിൽ ലിംക ബുക്ക് ഓഫ് റെക്കോർഡ് നേടിയ വാദ്യകലാകാരൻ സന്തോഷ്‌ ആലംകോട് ചടങ്ങ് ഉദ്ഘാടനം ചെയ്തു. സി.ബി.എച്ചിൻ്റെ വെബ് സൈറ്റ് ഉദ്ഘാടനം നാടക സംവിധായകൻ ടി.വി. ബാലകൃഷ്ണൻ തൃശൂർ നിർവഹിച്ചു. രാമകൃഷ്ണൻ മാസ്റ്റർ, പി.കെ. അബ്ദുള്ളക്കുട്ടി, പി.പി.ഖാലിദ്, ഷാഫി വി.വി., ബിലാൽ എന്നിവർ ആശംസകളർപ്പിച്ചു.

ആലങ്കോട് സന്തോഷും സംഘവും അവതരിപ്പിച്ച തിമില മേളവും ശേഷം തൃശ്ശൂർ ആർട്സ് കമ്മ്യൂണിക്കേഷൻ അവതരിപ്പിച്ച ഗാനോത്സവത്തിൽ പ്രാദേശിക ഗായകരും തങ്ങളുടെ പാട്ടിലെ കഴിവുകൾ തെളിയിച്ചു. കൂടാതെ ക്ഷണിക്കപ്പെട്ട അതിഥികളിൽ ഇരുപത്തി അഞ്ചോളം പേർ തിമില കൊട്ടി സന്തോഷ് ആലങ്കോടിനൊപ്പം പങ്കാളികളായത് ശ്രദ്ധേയമായി.