മേപ്പാടം ചിരട്ടക്കുന്ന് എസ് സി കോളനി റോഡ് കോണ്‍ഗ്രീറ്റ് ചെയ്തു:

ആനക്കര : മേപ്പാടം ചിരട്ടക്കുന്ന് എസ് സി കോളനി റോഡ് കോണ്‍ഗ്രീറ്റ് ചെയ്തു. 2020,21 വര്‍ഷത്തെ വി.ടി.ബല്‍റാം എം.എല്‍.എയുടെ ആസ്ഥിവികസന ഫണ്ടില്‍ നിന്ന് പതിനാല് ലക്ഷത്തി അന്‍പതിനായിരം രൂപ ചിലവില്‍ 255 മീറ്റര്‍ ദൂരമാണ് ഇപ്പോള്‍ കോണ്‍ഗ്രീറ്റ് ചെയ്തിരിക്കുന്നത്. നേരത്തെ റോഡിന്റെ തുടക്കത്തില്‍ കുറച്ച് ഭാഗം കോണ്‍ഗ്രീറ്റ് ചെയ്തിരുന്നു.ആനക്കര പഞ്ചായത്തിലെ 12 ാം വാര്‍ഡില്‍പ്പെട്ട റോഡാണിത് പഞ്ചായത്ത് മെമ്പര്‍ പി.സി രാജുവിന്റെ ശ്രമഫലമായിട്ടാണ് നിര്‍മ്മാണ പ്രവര്‍ത്തനത്തിന് അന്നത്തെ എം.എല്‍എയുടെ ആസ്ഥിവികസന ഫണ്ടില്‍ നിന്ന് തുക അനുവദിച്ചത്. പതിറ്റാണ്ടുകളുടെ മുറവിളിക്കൊടുവിലാണ് ഇപ്പോള്‍ നിര്‍മ്മാണ പ്രവര്‍ത്തനം പൂര്‍ത്തിയാക്കിയത്. ചിരട്ടക്കുന്ന് എസ്.സി കോളനിയിലെ ഭഗവതിക്ഷേത്രത്തിലേക്ക് വരുന്ന റോഡുകൂടിയാണിത്.ഈ റോഡില്‍ 20 മീറ്റര്‍ കൂടി കോണ്‍ഗ്രീറ്റ് ചെയ്താല്‍ റോഡ് പൂര്‍ണ്ണമായി കോണ്‍ഗ്രീറ്റാകും. വര്‍ഷങ്ങള്‍ക്ക് മുന്‍മ്പ് ഇത് ഇടവഴിയായിരുന്നു.ചിരട്ടക്കുന്ന് ഭാഗത്ത് മഴക്കാലത്ത് വെളളം ഒഴുകി വന്നിരുന്നത് ഇതുവഴിയായിരുന്നു. പിന്നീട് നാട്ടുകാരുടെ ശ്രമഫലമായി റോഡ് നിര്‍മ്മിച്ചെങ്കിലും മഴക്കാലത്ത് ഇതുവഴി നടക്കാന്‍ പോലും കഴിഞ്ഞിരുനില്ല വെളളക്കെട്ടും ചളിയും നിറഞ്ഞ് ഇതു വഴിയുളള യാത്ര ഏറെ ദുസഹമായിരുന്നു. ഇപ്പോള്‍ കോണ്ഗ്രീറ്റ് ചെയ്തതോടെ ഈ മേഖലയിലെ യാത്രാ ദുരിതത്തിന് പരിഹാരമായിരിക്കുകയാണ്. ഈ മേഖലയിലെ നിരവധി കുടുംബങ്ങള്‍ക്ക് ഉപകരിക്കുന്ന റോഡാണിത്.