ടാക്സ് കൺസൾട്ടന്റ്സ് & പ്രാക്ടീഷണേഴ്സ് അസോസിയേഷൻ ജില്ലാ സമ്മേളനം:

എടപ്പാൾ: ടാക്സ് കൺസൾട്ടന്റ്സ് & പ്രാക്ടീഷണേഴ്സ് അസോസിയേഷൻ ജില്ലാ സമ്മേളനം മാർച്ച് 4 -ാം തിയ്യതി തിരൂർ സംഗമം ഓഡിറ്റോറിയത്തിൽ (എം.എസ്.കേശവൻ നഗർ) നടക്കും. സമ്മേളന വിജയത്തിനായി 101 അംഗ സ്വാഗത സംഘം രൂപികരിച്ചു. സ്വാഗത സംഘം രൂപീകരണയോഗം സംസ്ഥാന സെക്രട്ടറി ഒ.കെ. കുഞ്ഞുമുഹമ്മദ് ഉദ്ഘാടനം ചെയ്തു. ജില്ലാ വൈസ് പ്രസിഡണ്ട് പി. സദാനന്ദൻ അദ്ധ്യക്ഷത വഹിച്ചു. സംസ്ഥാന വൈസ് പ്രസിഡണ്ട് എം.ആർ സുരേഷ്കുമാർ, ട്രഷറർ പ്രേം നവാസ്, വ്യാപാരി സംഘടന പ്രതിനിധികളായ പി.എ. ബാവ, എം.കെ അനിൽകുമാർ, ഗഫൂർ, ഹസ്സൻ ചക്കുങ്ങൽ, മുസ്തഫ, ജിതീഷ് എന്നിവർ സംസാരിച്ചു. സി.രമേഷ് സ്വാഗതവും എ.ടി. മണികണ്ഠദാസ് നന്ദിയും പറഞ്ഞു. ഭാരവാഹികൾ ചെയർമാൻ: പി. ശൈലേഷ് കൺവീനർ:സി.പി. ജമാൽ.