സി പി ഐ എം മെമ്പര്‍മാര്‍ ഭരണ സമിതി യോഗം ബഹിഷ്‌കരിച്ചു:

ആനക്കര : ചാലിശ്ശേരി പഞ്ചായത്ത് യു ഡി എഫ് ഭരണസമിതിയുടെ വിവിധ വിഷയങ്ങളിലെ നിലപാടുകളില്‍ പ്രതിഷേധിച്ച് സിപിഐ എം മെമ്പര്‍മാര്‍ ഭരണ സമിതി യോഗം ബഹിഷ്‌ക്കരിച്ച് ഇറങ്ങി പോന്നു.

പതിനഞ്ചാം വാര്‍ഡ് ഗ്രാമസഭയില്‍ വനിതാ മെമ്പറെ കോണ്‍ഗ്രസ് പ്രവര്‍ത്തകര്‍ ആക്രമിക്കാന്‍ ശ്രമിച്ചു, ഹാബിറ്റാറ്റ് ചെയ്തു വരുന്ന പഞ്ചായത്ത് കമ്മ്യൂണിറ്റി ഹാളിന്റെ നവീകരണ പ്രവര്‍ത്തിയില്‍ വ്യാപകമായി അഴിമതിയാണ് നടക്കുന്നത്, മൂന്നാം വാര്‍ഡില്‍ കിണറുകള്‍ വൃത്തിയാക്കിയതില്‍ വ്യാജ ഒപ്പിട്ട് വാര്‍ഡ്‌മെമ്പര്‍ ഫണ്ട് തട്ടിയെടുത്ത പരാതിയില്‍ മെമ്പര്‍വിജിലന്‍സ് അന്വേഷണം നേരിടുകയാണ്, ഇതിന് പുറമെ മൂന്നാം വാര്‍ഡിലെ തന്നെ പട്ടിശ്ശേരി ജി ജെ ബി സ്‌കൂളില്‍ പ്രവര്‍ത്തി നടത്തി എന്ന് പറഞ്ഞ് 48,000 രൂപ കൈപ്പറ്റാന്‍ ശ്രമിച്ചു ഇത് ഗ്രാമസഭയില്‍ ചോദ്യം ചെയ്തപ്പോള്‍ തുക കൈപ്പറ്റിയിട്ടുണ്ടെന്ന് പറഞ്ഞ് മെമ്പര്‍ ജനങ്ങളെ വെല്ലു വിളിക്കുകയാണെന്നും, വിജിലന്‍സ് അന്വേഷണം നേരിടുന്ന മൂന്നാം വാര്‍ഡ് മെമ്പര്‍ രാജി വെക്കണമെന്ന് ആവിശ്യപെട്ടുകൊണ്ടും, കട്ടില്‍ വാങ്ങുന്നതില്‍ യുഡിഫ് മെമ്പര്‍മാര്‍ കമ്മീഷന്‍ കൈപ്പറ്റിയെന്നും പ്രതിഷേധിച്ച് കൊണ്ടാണ്‌ സിപിഐ എം മെമ്പര്‍മാര്‍ ബോഡ് യോഗം ബാഹിഷ്‌കരിച്ച ഇറങ്ങി പോന്നത് . പഞ്ചായത്താഫീസിന് മുന്നില്‍ നടന്ന പ്രതിഷേധം പഞ്ചായത്ത് അംഗം പി വി രജീഷ് ഉദ്ഘാടനം ചെയ്തു. മെമ്പര്‍മാരായ ആനിവിനു, വി എസ് ശിവാസ്, സജിത ഉണ്ണികൃഷ്ണന്‍, സരിത വിജയന്‍, ഷഹന മുജീബ്, പി ദിജിമോള്‍ എന്നിവര്‍ സംസാരിച്ചു.