നല്ല പേരെന്റ്റിങ്ങിലൂടെ മാത്രമേ നല്ല തലമുറയെ വാർത്തെടുക്കാൻ കഴിയൂ: അഡ്വക്കേറ്റ് സതീദേവി

എടപ്പാൾ : കേരള സർക്കാർ വനിതാ ശിശുവികസന വകുപ്പിന്റെ കീഴിൽ മലപ്പുറം ജില്ലയിലെ പൊന്നാനി ബ്ലോക്കിൽ നവീകരിച്ച പേരെന്റ്റിംഗ് ക്ലിനിക് കേരള വനിതാ കമ്മീഷൻ ചെയർ പേഴ്സൺ അഡ്വക്കേറ്റ് ശ്രീമതി സതീദേവി ഉദ്ഘാടനം ചെയ്തു സംസാരിച്ചു. പൊന്നാനി ബ്ലോക്ക്‌ പഞ്ചായത്ത്‌ പ്രസിഡന്റ് ശ്രീ സി രാമകൃഷ്ണൻ അധ്യക്ഷനായ ചടങ്ങിൽ കേരള വനിതാ കമ്മീഷൻ അംഗങ്ങളായ ശ്രീമതി ഇന്ദിരാ രവീന്ദ്രൻ, ശ്രീമതി മഹിളാമണി, മലപ്പുറം ജില്ല വനിതാ ശിശുവികസന ഓഫീസർ ശ്രീ അബ്ദുൽ റഷീദ്, ജില്ല ശിശുസംരക്ഷണ ഓഫീസർ ശ്രീമതി ഗീതാഞ്ജലി എന്നിവർ സന്നിഹിതരായി ആശംസകൾ അറിയിച്ചു. പൊന്നാനി ശിശുവികസന ഓഫീസർ രമ ഒ പി, സ്കൂൾ കൗൺസിലർമാരായ ഷംന ടി സി, സബിത എം, ജില്ലാ പഞ്ചായത്ത്‌ അംഗം ആരിഫ നാസർ , ബ്ലോക്ക് മെമ്പർമാർ പൊതുജനങ്ങൾ എന്നിവരുടെ സാനിദ്ധ്യംകൊണ്ട് ശ്രദ്ധേയമായ ചടങ്ങിൽ കേളപ്പൻ മെമ്മോറിയൽ ഗവണ്മെന്റ് വൊക്കേഷണൽ ഹയർസെക്കന്ററി സ്കൂളിലെ സ്കൂൾകൗൺസിലറും പൊന്നാനി ബ്ലോക്ക്‌ ഏരിയ പാരെന്റ്റിങ് ക്ലിനിക് കൗൺസിലറും ആയ ദീപ ദിവാകരൻ നന്ദി പറഞ്ഞു.