കേരള സ്റ്റേറ്റ് സർവീസ് പെൻഷനേഴ്സ് യൂണിയൻ നന്നംമുക്ക് പഞ്ചായത്ത് വാർഷിക സമ്മേളനം:

ചങ്ങരംകുളം: കേരള സ്റ്റേറ്റ് സർവീസ് പെൻഷനേഴ്സ് യൂണിയൻ നന്നംമുക്ക് പഞ്ചായത്ത് വാർഷിക സമ്മേളനം മൂക്കുതല യൂണിക്ക് കോളേജിൽ നടന്നു. സംസ്ഥാന കമ്മിറ്റിയംഗം ടി കെ നാരായണൻ ഉദ്ഘാടനം ചെയ്തു. ഭാസ്കരൻ നമ്പ്യാർ അധ്യക്ഷനായി.

പെരുമ്പടപ്പ് ബ്ലോക്ക് സെക്രട്ടറി വി വി ഭരതൻ സംഘടനാ റിപ്പോർട്ടും യൂണിറ്റ് സെക്രട്ടറി കൃഷ്ണൂർത്തി പ്രവർത്തന റിപ്പോർട്ടും അവതരിപ്പിച്ചു. ട്രഷറർ വനജ വരവു ചെലവു കണക്കും അവതരിപ്പിച്ചു. പുതിയ ഭാരവാഹികളായി ഭാസ്കരൻ നമ്പ്യാർ(പ്രസിഡൻ്റ്), പി എൻ കൃഷ്ണമൂർത്തി (സെക്രട്ടറി) വനജാക്ഷി (ട്രഷറർ) എന്നിവരെ തെരഞ്ഞെടുത്തു.