കണ്ടനകം ബിവറേജിൽ വിജിലൻസ് റെയ്ഡ് 18,600 രൂപ പിടികൂടി:

എടപ്പാൾ: കണ്ടനകം ബിവറേജിൽ വിജിലൻസ് റെയ്ഡ് 18,600 രൂപ പിടികൂടിയതായി വിവരം. സ്വകാര്യ കമ്പനികളുടെ മദ്യം കൂടുതൽ വിൽക്കാൻ നൽകിയ തുകയാണെന്ന് ജീവനക്കാരൻ മൊഴി നൽകി. കാലങ്ങളായി സർക്കാർ നിർമ്മിതിയിലുള്ള പല മദ്യ ബ്രാഡുകളും കണ്ടനകത്തെ ബെവ്കൊ ഔട്ട് ലെറ്റിൽ ലഭിക്കാറിലെന്ന് പരാതിയുണ്ട്. കണ്ടനകം ബിവറേജിൽ ഗോഡൗണിൽ നിന്നാണ് വിജിലൻസ് പണം കണ്ടെടുത്തത് .  ഗോഡൗണില്‍ ബാഗിൽ രഹസ്യകോഡ് സഹിതം ചുരുട്ടി വച്ച നിലയിലായിരുന്നു നോട്ടുകൾ എന്നാണ് അറിയാൻ കഴിഞ്ഞത്. എട്ട് ജീവനക്കാർക്ക് വീതിച്ചെടുക്കാനുള്ള തുകയെന്ന് വിജിലൻസിനോട് ജീവനക്കാരൻ പറഞ്ഞതായും വിവരമുണ്ട്