ചേക്കോട് ബാലവാടി റോഡിന്റെ റീ-ടാറിങ്ങിനെതിരെ വ്യാപകപരാതി:

ആനക്കര : ചേക്കോട് ബാലവാടി റോഡിന്റെ റീടാറിങ്ങിനെതിരെ വ്യാപക പരാതി. രണ്ട് പതിറ്റാണ്ടിന് ശേഷമാണ് ഈ റോഡിന്റെ ടാറിങ്ങ് കഴിഞ്ഞ ദിവസം പൂര്‍ത്തിയാക്കിയത്. ഈ ടാറിങ്ങിനെതിരെയാണ് പരാതി ഉയര്‍ന്നിരിക്കുന്നത്.  റോഡിന് കുറുകെ വലിയ കിടങ്ങ് പോലെ കിടക്കുകയാണ് ഈ കിടങ്ങ് യാത്രക്കാര്‍ക്ക് അപകടത്തിന് കാരണമായിരിക്കുന്നു. കിടങ്ങില്‍ കോണ്‍ഗ്രീറ്റ് ചെയ്ത് കുറച്ച് ഉയര്‍ത്തുമെന്നാണ് പറയുന്നത് ഇത് ഇനിയും പൂര്‍ത്തിയാക്കിയിട്ടില്ലെന്നു മാത്രമല്ല ടാറിങ്ങ് കഴിഞ്ഞാല്‍ പൊടിയിടുന്ന ജോലിയുമുണ്ട് ഇതും ഇനിയും ചെയ്തിട്ടില്ല. റോഡിന്റെ ഇരുവശവും ടാറിങ്ങ് കഴിഞ്ഞ ഭാഗം കോണ്‍ഗ്രീറ്റ് ചെയ്യുമെന്ന് പറഞ്ഞെങ്കിലും ഇതും ഇനിയും നടപ്പിലാക്കിയിട്ടില്ല. മുന്നൂറ് മീറ്റര്‍ നീളം വരുന്ന റോഡിന്റെ മുപ്പ്ത് മീറ്റര്‍ ദൂരം ബാക്കിയിട്ടുകൊണ്ടാണ് ഇപ്പോള്‍ ടാറിങ്ങ് നടത്തിയിട്ടുളളത്.

2019 2020 വര്‍ഷത്തില്‍ എം.എല്‍.എ യുടെ ആസ്ഥിവികസന ഫണ്ടില്‍ നിന്ന് കുമ്പിടി പാലിയേറ്റീവിന് വാഹനം വാങ്ങുന്നതിന് അനുവദിച്ച 7.85 ലക്ഷം രൂപയാണ് ചേക്കോട് ബാലവാടി റോഡിന്റെ റീടാറിങ്ങിനായി വകമാറ്റിയത്.