ചങ്ങരംകുളത്ത് കാറും വെള്ളിമൂങ്ങയും ബുള്ളറ്റും കൂട്ടിയിടിച്ച് രണ്ട് പേർക്ക് പരിക്കേറ്റു:

ചങ്ങരംകുളം:ചങ്ങരംകുളത്ത് കാറും വെള്ളിമൂങ്ങയും ബുള്ളറ്റും കൂട്ടിയിടിച്ച് രണ്ട് പേർക്ക് പരിക്കേറ്റു. വെള്ളിയാഴ്ച വൈകിട്ട് 4 മണിയോടെ ചങ്ങരംകുളം ഹൈവെ ജംഗ്ഷനിലാണ് അപകടം. വെള്ളിമൂങ്ങയിലുണ്ടായിരുന്ന ഒതളൂർ സ്വദേശി കൊടക്കാട്ട് വളപ്പിൽ അബൂബക്കർ(58) ബുള്ളറ്റ് യാത്രക്കാരനായ പടിഞ്ഞാറങ്ങാടി സ്വദേശി പൂളക്കുന്നത്ത് ഷിഹാബ് (32) എന്നിവർക്കാണ് പരിക്കേറ്റത്. പരിക്കേറ്റവരെ നാട്ടുകാർ ചേർന്ന് ചങ്ങരംകുളത്തെ സ്വകാര്യ ആശുപത്രിയിൽ പ്രവേശിപ്പിച്ചു. അപകടത്തെ തുടർന്ന് ജംഗഷനിൽ ഏറെ നേരം ഗതാഗതം തടസപ്പെട്ടു. മുക്കാൽ മണിക്കൂറിലേറെ ഗതാഗതം തടസ്സപ്പെട്ടങ്കിലും തൊട്ടടുത്തു നിലനിൽക്കുന്ന ചങ്ങരംകുളം പോലീസ് സ്റ്റേഷനിൽ നിന്നു പോലീസ് എത്തിയില്ലെന്നും പോലിസ് വരുന്നതുവരെ നാട്ടുകാരാണ് ഗതാഗതം നിയന്ത്രിച്ചതെന്നും പരാതിയുണ്ട്.