എടപ്പാൾ പഞ്ചായത്തിൽ മുഴുവൻ വാർഡിലും കർഷക കൂട്ടായ്മ രൂപികരിക്കും: കർഷകമോർച്ച

>

എടപ്പാൾ: കാർഷിക മേഖലയിൽ നിരവധി വികസനങ്ങൾ കൊണ്ടുവന്ന കേന്ദ്രസർക്കാരിൻ്റെ പദ്ധതികൾ കർഷകർക്ക് വേണ്ട വിധത്തിൽ എത്തണമെങ്കിൽ കർഷക കൂട്ടയ്മകൾ അനിവാര്യമാണെന്ന് കർഷകമോർച്ച ജില്ല പ്രസിഡൻ്റ് പി.സി നാരായണൻ പറഞ്ഞു.

കൊലൊളമ്പ് യൂണിറ്റിൻ്റെ കർഷക കൂട്ടായ്മ രൂപീകരണം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം

പഞ്ചായത്തിൻ്റെ മുഴുവൻ വാർഡിലും കൂട്ടായ്മകൾ രൂപീകരിക്കുകയാണ് പാർട്ടിയുടെ ലക്ഷ്യമെന്ന് പഞ്ചായത്ത് കമ്മറ്റി പ്രസിഡൻ്റ് വിവേകാനന്ദൻ കോലത്ത് പരിപാടിയുടെ വിശദീകരണം നടത്തി കൊണ്ട് പറഞ്ഞു.

ജയൻ അദ്ധ്യക്ഷത വഹിച്ച പരിപാടിയിൽ മണ്ഡലം വൈസ് പ്രസിഡന്റ്‌ നടരാജൻ.എം, സുന്ദരൻ കൊലൊളമ്പ്, സുമേഷ് എന്നിവർ പ്രസംഗിച്ചു.