പുഞ്ചകൃഷിക്കായ് ചെള്ളി പാടം ഒരുങ്ങി:

എടപ്പാൾ: എടപ്പാൾ ഗ്രാമപഞ്ചായത്ത്‌ കൃഷിഭവൻ ഇടപെടലിനെ തുടർന്ന് മുപ്പത് വർഷങ്ങൾക്കിപ്പുറം, പൂർവ്വ കാർഷിക സംസ്കൃതിയുടെ സ്മരണകളുണർത്തി എടപ്പാളിൽ വിവിധ പാടശേഖരങ്ങളിൽ തരിശു നിലങ്ങൾ പുഞ്ചകൃഷിക്ക് അരങ്ങൊരുങ്ങുന്നു.

എടപ്പാൾ ഗ്രാമപഞ്ചായത്ത് കൃഷിഭവന് കീഴിൽ മുപ്പത് ഏക്കറോളമുള്ള സ്ഥലത്താണ് ഈ വർഷം നെൽകൃഷി യോഗ്യമായ സ്ഥലം കേരള സർക്കാരിന്റെ തരിശുനെൽകൃഷി വികസന പദ്ധതി പ്രകാരം കൃഷി യോഗ്യമാക്കുന്നത്. കാലാന്തരങ്ങളിൽ നെൽകൃഷി മറഞ്ഞു പോയ കൃഷിയിടങ്ങളിൽ കൃഷിയിറക്കി ‘തരിശുരഹിത ഗ്രാമപഞ്ചായത്ത്‌’ എന്നതാണ് എടപ്പാൾ ഗ്രാമപഞ്ചായത്ത്ന്റെയും കൃഷിഭവന്റെയും ലക്ഷ്യം.
പദ്ധതിയുടെ ഉത്ഘാടനം ചെള്ളിപാടം പാടശേഖരത്തിൽ പതിനാലു വർഷം പ്രവാസിയായിരുന്ന യുവ കർഷകൻ ശ്രീ രജീഷ് ഉണിക്കാട്ടിന്റെ കൃഷിയിടത്തിൽ എടപ്പാൾ ഗ്രാമപഞ്ചായത്ത്‌ വൈസ് പ്രസിഡന്റ്‌ ശ്രീ കെ പ്രഭാകാരന്റെ അധ്യക്ഷതയിൽ ശ്രീമതി സുബൈദ ടീച്ചർ നിർവഹിച്ചു .വികസന കാര്യ സ്റ്റാന്റിങ് കമ്മിറ്റി ചെയർമാൻ ക്ഷമ റഫീഖ്, കൃഷി ഓഫീസർ സുരേന്ദ്രൻ എം പി അസിസ്റ്റന്റ് കൃഷി ഓഫീസർ ഉണ്ണികൃഷ്ണൻ, കൃഷി അസിസ്റ്റന്റ് രവി. ടി , സന്തോഷ്‌കുമാർ അഭിലാഷ് കാർഷിക വികസനസമിതി അംഗം ഇബ്രാഹിം, പാടശേഖരത്തിലെ കർഷകരായ രജീഷ് ഉണിക്കാട്ട്, അജീഷ്, ശാരദ എന്നിവർ പങ്കെടുത്തു.