പൊന്നാനി ഹാർബറിൽ മോട്ടോർ വാഹന വകുപ്പ് എൻഫോസ്‌മെന്റ് മിന്നൽ പരിശോധന:

പൊന്നാനി: പൊന്നാനി ഹാർബറിൽ മോട്ടോർ വാഹന വകുപ്പ് എൻഫോസ്‌മെന്റ് മിന്നൽ പരിശോധന. പെർമിറ്റ്‌, ടാക്സ്, ഇൻഷുറൻസ് എന്നീ രേഖകൾ ഇല്ലാതെ പൊന്നാനി ഹാർബറിൽ വാഹനങ്ങൾ സർവ്വീസ് നടത്തുന്നു എന്ന രഹസ്യ വിവരത്തിന്റെ അടിസ്ഥാനത്തിൽ മലപ്പുറം ജില്ലാ എൻഫോഴ്‌സ്‌മെന്റ് കണ്ട്രോൾ റൂം സ്‌ക്വാഡ് നടത്തിയ പരിശോധനയിൽ പത്തോളം വാഹനങ്ങൾക്കെതിരെ നടപടിയെടുത്തു. പൊന്നാനി താലൂക്കിൽ നടത്തിയ പരിശോധന യിൽ ഹെൽമറ്റ് , സീറ്റ് ബെൽറ്റ് , ഇൻഷുറൻസ് , ഡ്രൈവിങ് ലൈസൻസ് ഇല്ലാതെ വാഹനം ഓടിക്കൽ അനധികൃതമായി രൂപമാറ്റം വരുത്തൽ എന്നീ കുറ്റങ്ങൾക്ക് അമ്പതോളം കേസുകൾ എടുത്തു,  85000 രൂപ പിഴ ചുമത്തി. പരിശോധനയിൽ ജില്ലാ എൻഫോഴ്‌സ്‌മെന്റ് കൺട്രോൾ റൂം ഇൻസ്‌പെക്ടർ അരുൺ എം.വി, അസിസ്റ്റന്റ് ഇൻസ്‌പെക്ടർ മാരായ അജീഷ് പി, മനോഹരൻ പി.കെ, എന്നിവർ പങ്കെടുത്തു.