ക്യാൻസർ ഡേ ദിനത്തോടനുബന്ധിച്ച് ‘കേശദാനം മഹാദാനം’ സംഘടിപ്പിച്ചു:

എടപ്പാൾ: നമ്മളാലാകും വിധം അശരണർക്ക് അത്താണിയാകുമ്പോഴാണ് നമ്മുടെ ജീവിതം സാർത്ഥകമാകുന്നത് എന്ന് ജൂനിയർ ചേംബർ ഇന്റർനാഷണൽ എടപ്പാൾ ചാപ്റ്റർ പ്രസിഡണ്ട് ജെ എഫ് എം മുഹമ്മദ് അഷ്‌റഫ് പ്രസ്താവിച്ചു

വേൾഡ് കാൻസർ ദിനത്തോടനുബന്ധിച്ച് ജെ സി ഐ ദേശവ്യാപകമായി നടത്തുന്ന ക്രിയാത്മക പ്രവർത്തനങ്ങളുടെ എടപ്പാൾ ചാപ്റ്റർ തല ഉത്‌ഘാടനം നിർവ്വഹിച്ച് സംസാരിക്കുകയായിരുന്നു അദ്ദേഹം

കേശദാനം മഹാദാനം എന്ന ശീർഷകത്തിൽ നടത്തിയ പരിപാടിയിൽ ശിവദാസൻ കെ ടി, ദിയ ഫാത്തിമ എന്നിവരിൽ നിന്നും ക്യാൻസർ രോഗികൾക്ക് വിഗ്ഗിനാവശ്യമായ കേശം അദ്ദേഹം സ്വീകരിച്ചു.

ചടങ്ങിൽ ജെ സി ഐ എടപ്പാൾ വൈസ് പ്രെസിഡന്റ്റ് അജ്മൽ ഹുസൈൻ അധ്യക്ഷനായി. പ്രോഗ്രാം ഡയറക്ടർ ആസിക് റഹ്മാൻ, ഖലീൽ റഹ്മാൻ എന്നിവർ സംസാരിച്ചു