വലിച്ചെറിയൽ മുക്ത കേരളം ക്യാമ്പയിന് തുടക്കം:

ചങ്ങരംകുളം: സംസ്ഥാന സർക്കാരിന്റെ നവകേരളം കർമ്മ പദ്ധതിയുടെ ഭാഗമായി ‘വലിച്ചെറിയൽ മുക്തകേരളം’ ക്യാമ്പയിന് നന്നംമുക്ക് ഗ്രാമപഞ്ചായത്ത് തുടക്കം കുറിച്ചു. ഇതിന്റെ ഭാഗമായി മുക്കുതല കണ്ണേങ്കാവ് കാവിലപ്പാടത്തെ മാലിന്യങ്ങൾ വൃത്തിയാക്കുകയും ചെയ്തു. നന്നംമുക്ക് ഗ്രാമപഞ്ചായത്ത് പ്രസിഡന്റ്‌ മിസിരിയ സൈഫുദ്ധീൻ ക്യാമ്പയിൻ ഉദ്ഘാടനം ചെയ്തു. വൈസ് പ്രസിഡന്റ് ഒ.പി പ്രവീൺ അധ്യക്ഷത വഹിച്ചു. നന്നംമുക്ക് പഞ്ചായത്ത്‌ സെക്രട്ടറി ശ്രീ മനോജ്‌, സി.ഡി.എസ് പ്രസിഡന്റ്‌ സുനിത, കുടുംബശ്രീ ബ്ലോക്ക്‌ കോർഡിനേറ്റർ രേഷ്മ, ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ രാഗി രമേഷ്, ഐ.ആർ.ടി.സി.എച്ച്.എസ്.എസ് അസിസ്റ്റന്റ് കോർഡിനേറ്റർ അഞ്ജലി എന്നിവർ പ്രസംഗിച്ചു.

കൂടാതെ എ.ഡി.എസ് പ്രേമ രവി ഹരിത കർമ്മസേന പ്രവൃത്തനങ്ങളെക്കുറിച്ച് ഗാനം ആലപിച്ചു. പഞ്ചായത്ത്‌ മെമ്പർമാരായ ഉഷ വി, ഷണ്മുഖൻ പി വി, സി ഡി എസ് ചെയർപേഴ്സൺ സുനിത, ഹരിത കർമ്മസേന അംഗങ്ങൾ, കുടുംബശ്രീ അംഗങ്ങൾ എന്നിവരും ക്യാമ്പയിൻ പ്രവർത്തനങ്ങളുടെ ഭാഗമായി.