മലബാർ പ്രദേശത്ത് ആദ്യമായി ശബരിമല മാതൃകയിൽ ഉയരാൻ പോകുന്ന മഹാക്ഷേത്രത്തിന് തറക്കല്ലിടൽ:

എടപ്പാൾ: ശ്രീഅയ്യപ്പൻകാവ് ക്ഷേത്രം കേന്ദ്രീകരിച്ച് പ്രവർത്തിച്ചു കൊണ്ടിരിക്കുന്ന തത്ത്വമസി ആധ്യാത്മിക സേവാകേന്ദ്രത്തിന്റെ ആഭിമുഖ്യത്തിൽ മലബാർ പ്രദേശത്ത് ആദ്യമായി ശബരിമല മാതൃകയിൽ ഉയരാൻ പോകുന്ന മഹാക്ഷേത്രത്തിന് മുതലമട സ്നേഹം ചാരിറ്റബിൾ ട്രസ്റ്റ് ചെയർമാനും ആധ്യാത്മിക- സേവന രംഗത്ത് അന്താരാഷ്ട്ര തലത്തിൽ പ്രശസ്തനുമായ സ്വാമി സുനിൽദാസ് തറക്കല്ലിടും. ഫെബ്രുവരി 8 ന് ബുധനാഴ്ച കാലത്ത് 9 മണിക്ക് നടക്കുന്ന ചടങ്ങിൽ ഭൂമിപൂജ, അയ്യപ്പപൂജ എന്നിവയക്ക് മാളികപ്പുറം മുൻ മേൽശാന്തി പി.എം.മനോജ് എമ്പ്രാന്തിരി മുഖ്യകാർമ്മികത്വം വഹിക്കും. തുടർന്ന് ടി.കെ.വിജയൻ മാസ്റ്ററുടെ അധ്യക്ഷതയിൽ ചേരുന്ന യോഗത്തിൽ സ്വാമി സുനിൽദാസ് അനുഗ്രഹപ്രഭാഷണം നടത്തും. ജില്ലാ പഞ്ചായത്തംഗം അഡ്വ.പി.പി.മോഹൻദാസ്, എടപ്പാൾ പഞ്ചായത്ത് പ്രസിഡന്റ് സി.വി. സുബൈദ ടീച്ചർ, വാർഡ് മെമ്പർമാരായ ഷിജിലപ്രദീപ്, കെ.പി.സിന്ധു, അഡ്വ.ശങ്കുടി.ദാസ്, സി.വി.ഗോവിന്ദൻ മാഷ്, രാജേഷ്പണിക്കർപെരിങ്ങോട്, മണിഎടപ്പാൾ, സജീവ് കുട്ടത്ത് എന്നിവർ സംബന്ധിക്കും.