ത്യാഗവും ധർമ്മവും ഭക്തന്റെ മുഖമുദ്ര-സ്വാമി സുനിൽ ദാസ്:

എടപ്പാൾ: കലിയുഗ ദോഷത്തിൽ നിന്നും മുക്തി നേടണമെങ്കിൽ ഭക്തിയുടെ മാർഗ്ഗമാണ് ശാശ്വത പരിഹാരമെന്ന് മുതലമട സ്നേഹം ചാരിറ്റബിൾ ട്രസ്റ്റ് ചെയർമാൻ സ്വാമി സുനിൽദാസ് പറഞ്ഞു. ഭക്തന്റെ മുഖമുദ്ര ത്യാഗവും ധർമ്മവുമായിരിക്കണമെന്ന് അദ്ദേഹം കൂട്ടിച്ചേർത്തു. തത്ത്വമസി ആധ്യാത്മിക സേവാകേന്ദ്രത്തിന്റെ ആഭിമുഖ്യത്തിൽ ശബരിമല മാതൃകയിൽ നിർമ്മിക്കാൻ പോകുന്ന എടപ്പാൾ ശ്രീ അയ്യപ്പൻകാവ് ക്ഷേത്രത്തിന്റെ ശിലാസ്ഥാപന കർമ്മം നിർവ്വഹിച്ചു സംസാരിക്കുകയായിരുന്നു സുനിൽദാസ്. ടി.കെ.വിജയൻ മാസ്റ്റർ അധ്യക്ഷത വഹിച്ചു. മാളികപ്പുറം മുൻ മേൽശാന്തി പി.എം.മനോജ് എമ്പ്രാന്തിരി ദീപപ്രോജ്വലനം നടത്തി. യു.കെ.സ്വദേശികളായ ആൻസ്റ്റൻ ജോൺ, മനോജ്, ആസ്ട്രേലിയക്കാരൻ റിജീഷ്, മണി എടപ്പാൾ, സി.വി.ഗോവിന്ദൻ മാസ്റ്റർ, വാർഡ് മെമ്പർമാരായ ഷിജില പ്രദീപ്, കെ.പി.സിന്ധു, ഡോ.കെ.വി.കൃഷ്ണൻ, അഡ്വ.എം സുരേഷ്കുമാർ, മധുസൂദനൻ നല്ലാണത്തേൽ, ശാസ്ത്രശർമ്മൻ ഭട്ടതിരിപ്പാട്, കോച്ചിരുത്തേൽ വിജയൻ, സോമൻ ഭാഗ്യതാര, ഇ.എം. ആദിത്യൻ, ഡോ.എസ്.നാരായണൻ, കെ.വാസുദേവൻ, ടി.വി.സദാനന്ദൻ,വിജയൻ പെരുമ്പറമ്പ്, ആദർശ് പി. ഹരീഷ്, സജീവ് കുട്ടത്ത് എന്നിവർ പ്രസംഗിച്ചു.