മാറാരോഗവുമായി കഴിയുന്നവർക്ക് സഹായഹസ്തവുമായി ‘കൈത്താങ്ങ് ’

എടപ്പാൾ : വട്ടംകുളം സിപി എൻ എൻ യു പി സ്കൂളിലെ വിദ്യാർത്ഥികൾ ‘കൈത്താങ്ങ് ’ പദ്ധതിയുടെ ഭാഗമായി മാറാരോഗവുമായി കഴിയുന്നവർക്ക് സഹായഹസ്തവുമായി എത്തി. രോഗികളുടെ ചികിത്സയ്ക്കും മറ്റു ആവശ്യങ്ങൾക്കുമായി സീഡ് പോലീസ് അംഗങ്ങൾ വിദ്യാർത്ഥികളിൽ നിന്ന് ഒരൊറ്റ ദിവസം കൊണ്ട് ശേഖരിച്ച 25,000 രൂപ പ്രധാന അധ്യാപിക ലളിത സി എടപ്പാൾ സാന്ത്വനം പാലിയേറ്റിവ് ഓഫീസ് സെക്രട്ടറി ബാലസുബ്രഹ്മണ്യന് കൈമാറി. പിടിഎ പ്രസിഡണ്ട് എം എ നവാബ് അധ്യക്ഷത വഹിച്ചു. സ്റ്റാഫ് സെക്രട്ടറി സി സജി, കെ എം നാരായണൻ സൈനുദ്ദീൻ, ഇ പി സുരേഷ്, ശ്രീജിത്ത് കെബി എന്നിവർ പ്രസംഗിച്ചു.