ചരമം

ആനക്കര : ചാലിശ്ശേരി പോസ്റ്റ് ഓഫീസിനു സമീപം  താമസിക്കുന്ന നെല്ലിപ്പറമ്പില്‍ എന്‍.ഐ മുഹമ്മദ് കുട്ടി (78) നിര്യാതനായി. ഖബറടക്കം തിങ്കളാഴ്ച രാവിലെ 8ന് ചാലിശ്ശേരി മുഹ് യുദ്ദീന്‍ ജുമാ മസ്ജിദ് ഖബര്‍സ്ഥാനില്‍.
ചാലിശേരി എന്‍.ഐ പരീത് സ്മാരക ഗ്രന്ഥശാലയുടെ സെക്രട്ടറിയാണ്. ചാലിശ്ശേരിയില്‍ കമ്യൂണിസ്റ്റ് പാര്‍ട്ടി കെട്ടിപ്പടുക്കുന്നതില്‍ പ്രധാന പങ്ക് വഹിച്ചു. സി പി ഐ എം മുന്‍ ചാലിശേരി ലോക്കല്‍ സെക്രട്ടറിയായും, സി ഐ ടി യു ചാലിശേരി പഞ്ചായത്ത് കമ്മറ്റിയുടെ ആദ്യ സെക്രട്ടറിയായും, ചാലിശേരി ഗവ.ഹയര്‍ സെക്കണ്ടറി സ്‌കൂള്‍ വികസന സമിതി കണ്‍വീനറായും പ്രവര്‍ത്തിച്ചിട്ടുണ്ട്. 1976 കാലഘട്ടത്തില്‍ അബുദാബി ശക്തി തീയേറ്റേഴ്‌സിന്റെ സ്ഥാപക നേതാക്കളില്‍ ഒരാളും, ദീര്‍ഘകാലം സെക്രട്ടറി-പ്രസിഡന്റ് എന്ന നിലകളിലുംപ്രവര്‍ത്തിച്ചു. ഗള്‍ഫ് മേഖലകളില്‍ പാര്‍ട്ടി സംവിധാനം കെട്ടിപ്പടുക്കുന്നതില്‍ നിര്‍ണായക പങ്കുവഹിച്ചിട്ടുണ്ട്.

ഭാര്യ : നബീസ. മക്കള്‍ :അനിത ബീഗം, സബിത, ജലീല്‍ ബാബു, അമീന്‍,ഉണ്ണി.
സഹോദരങ്ങള്‍: എന്‍.ഐ ഫാത്തിമ, എന്‍.ഐ സെയ്തുപ്പ (കേരള പ്രവാസി സംഘം തൃത്താല ഏരിയ കമ്മറ്റിയംഗം), എൻ.ഐ മൊയ്തുണ്ണി ( സി പി ഐ എം മെയിന്‍ റോഡ് ഈസ്റ്റ് ബ്രാഞ്ചംഗം), പരേതനായ എന്‍ഐ പരീത്.