മലപ്പുറം ജില്ല പുരുഷ-വനിത പവർ ലിഫ്റ്റിംഗ് ചാമ്പ്യൻഷിപ്പ്; പുളിക്കൽ യൂനിവേഴ്സൽ ഫിറ്റ്നസ് ക്ലബ്ബ് ഓവറോൾ ചാമ്പ്യൻമാർ:

എടപ്പാൾ: മലപ്പുറം ജില്ലാ പവർ ലിഫ്റ്റിംഗ് അസോസിയേഷനും ജില്ലാ സ്പോർട്സ് കൗൺസിലും സംയുക്തമായി തവനൂർ റോസ് ഫിറ്റ്നെസ് ക്ലബ്ബിന്റെ സഹകരണത്തോടെ കടകശ്ശേരി ഐഡിയൽ കാമ്പസിൽ വെച്ച് നടത്തിയ ജില്ലാ പവർ ലിഫ്റ്റിംഗ് ചാമ്പ്യൻഷിപ്പിൽ പുളിക്കൽ യൂനിവേഴ്സൽ ഓവറോൾ ചാമ്പ്യൻമാരായി.

ജില്ലയിലെ പതിനഞ്ചോളം ഫിറ്റ്നസ് ക്ലബ്ബുകളിൽ നിന്നായി നൂറോളം കായിക താരങ്ങൾ മൽസരത്തിൽ പങ്കെടുത്തു. പവർ ലിഫ്ററിംഗ് അസോസിയേഷൻ മലപ്പുറം ജില്ലാ സെക്രട്ടറി വേണു.ജി.നായർ അധ്യക്ഷത വഹിച്ച ചടങ്ങിൽ

അത് ലറ്റിക്സ് അസോസിയേഷൻ ജില്ല പ്രസിഡണ്ടും ഐഡിയൽ സ്ഥാപനങ്ങളുടെ മാനേജറുമായ മജീദ് ഐഡിയൽ ഉദ്ഘാടനം ചെയ്തു. യു.തിലകൻ (പ്രസിഡന്റ് ഒളിമ്പിക് അസോസിയേഷൻ മലപ്പുറം) മുഖ്യ അതിഥിയായി.

എം.വി.വാസുണ്ണി ( എസ് ഐ കുറ്റിപ്പുറം പോലീസ് സ്റ്റേഷൻ & വൈസ് പ്രസി:പവർ ലിഫ്റ്റിംഗ് അസോസിയേഷൻ മലപ്പുറം ജില്ല ) പി.ഋഷികേശ് കുമാർ(സെക്രട്ടറി, ജില്ലാ ഒളിമ്പിക്സ് അസോസിയേഷൻ മലപ്പുറം), വത്സല(എക്സിക്യൂട്ടീവ് മെമ്പർ സ്പോർട്സ് കൗൺസിൽ മലപ്പുറം), സെന്തിൽ കുമരൻ (പ്രിൻസിപ്പൾ, ഐഡിയൽ ഇംഗ്ലീഷ് ഹയർസെക്കന്ററി സ്കൂൾ), ചിത്രഹരിദാസ്(ഹെഡ്മിസ്ട്രസ് ഐഡിയൽ ഇംഗ്ലീഷ് ഹയർസെക്കന്ററി സ്കൂൾ), ഷാഫി അമ്മായത്ത് ( കായിക വിഭാഗം മേധാവി ഐഡിയൽ കാമ്പസ് ) എന്നിവർ പ്രസംഗിച്ചു.