ലവ് യുവർ ഐസ് 2022-23 പ്രോഗ്രാം സമാപിച്ചു:

എടപ്പാൾ: റോട്ടറി ക്ലബ്ബ് എടപ്പാളും, റൈഹാൻ കണ്ണാശുപത്രിയും സംയുക്തമായി നടത്തിയ “ലവ് യുവർ ഐസ് 2022-23”  എന്ന പ്രോഗ്രാമിന്റെ സമാപനം പൂക്കരത്തറ ദാറുൽ ഹിദായ സ്കൂളിൽ വെച്ച് നടന്നു. സമാപനം ജില്ലാ പഞ്ചായത്ത് മെമ്പർ അഡ്വക്കേറ്റ് മോഹൻദാസ് ഉദ്ഘാടനം ചെയ്തു. നാസർ എ ഇ ഓ എടപ്പാൾ കുട്ടികൾക്കുള്ള കണ്ണടകൾ വിതരണം ചെയ്തു.

എടപ്പാൾ സബ് ജില്ലയിൽ വിവിധ സ്കൂളുകളിലായി 2000 കുട്ടികളുടെ കണ്ണ് പരിശോധന നടന്നു. കണ്ണട വേണ്ട കുട്ടികൾക്ക് കണ്ണടകൾ വിതരണം ചെയ്യുകയും കുട്ടികൾക്കുള്ള മറ്റ് അസുഖങ്ങൾക്ക് ഹോസ്പിറ്റൽ സൗജന്യ ചികിത്സയും നൽകി. യോഗത്തിൽ ലോട്ടറി ക്ലബ് പ്രസിഡണ്ട് ദിലീപ് കുമാർ അധ്യക്ഷനായിരുന്നു.

സ്കൂൾ പ്രിൻസിപ്പൽ ബെൻഷാ, എച്ച്.എം ഹമീദ് മാഷ്, റൈഹാൻ കോളേജ് പ്രിൻസിപ്പാൾ അൻവർ, അശ്വതി, മെമ്പർമാരായ ഗിരീഷ്, സന്തോഷ്, ബാബുരാജ്, സുരേഷ് എന്നിവർ പ്രസംഗിച്ചു.