സ്കൂൾ വാർഷികാഘോഷത്തിനു ഗംഭീര തുടക്കം:

മറവഞ്ചേരി : ഹിൽ ടോപ് പബ്ലിക് സ്കൂൾ രണ്ട് ദിവസം നീണ്ടു നിൽക്കുന്ന സ്കൂൾ വാർഷികാഘോഷത്തിന് തുടക്കം കുറിച്ചു. സ്കൂൾ അങ്കണത്തിൽ നടക്കുന്ന പരിപാടി മലപ്പുറം ജില്ലാ പഞ്ചായത്ത്‌ പ്രസിഡന്റ് ശ്രീമതി റഫീഖ ഉദ്ഘാടനം ചെയ്തു. സ്കൂൾ ചെയർമാൻ സയ്യിദ് മുസ്തഫ തങ്ങൾ അധ്യക്ഷത വഹിച്ചു. പ്രിൻസിപ്പാൾ മുഹമ്മദ്‌ ബഷീർ സ്വാഗത പ്രസംഗം നടത്തി. കാലടി ഗ്രാമ പഞ്ചായത്ത്‌ വൈസ് പ്രസിഡന്റ് ശ്രീമതി ജിൻസി ടീച്ചർ, തവനൂർ ഗ്രാമപഞ്ചായത്ത് വാർഡ്‌ മെമ്പർമാരായ ശ്രീ: സബിൻ, ശ്രീ: ബാലകൃഷ്ണൻ മേലേതിൽ, സ്കൂൾ ജനറൽ സെക്രട്ടറി മരക്കാർ ഹാജി, ട്രഷറർ അബ്ദുൽ ഹമീദ്.വി.വി, ജോയിൻ സെക്രട്ടറി അബ്ദുള്ള കുട്ടി, സ്കൂൾ അലുമിനി പ്രസിഡന്റ് റാഹില എന്നിവർ ആശംസകളർപ്പിച്ചു സംസാരിച്ചു.

ഈ അധ്യായന വർഷത്തിൽ വിവിധ മേഖലകളിൽ കഴിവു തെളിയിച്ച വിദ്യാർത്ഥികൾക്കുള്ള ഉപഹാര വിതരണം വൈസ് ചെയർമാൻ അബൂബക്കർ ഹാജി പാറപ്പുറം നിർവഹിച്ചു. സ്കൂൾ വൈസ് പ്രിൻസിപ്പാൾ ചന്ദ്രിക, അക്കാദമിക് കോഡിനേറ്റർ സലീന എന്നിവർ പങ്കെടുത്തു. പ്രോഗ്രാം കൺവീനർ ബിനോയ്‌ നന്ദി പ്രകാശനം ചെയ്തു.