എടപ്പാൾ ഉപജില്ലാ അലിഫ് അറബിക്ക് ക്ലബ്ബ് ഏകദിന ഫുട്ബോൾ മത്സരം സംഘടിപ്പിച്ചു:

എടപ്പാൾ: എടപ്പാൾ ഉപജില്ല അറബിക്‌ ക്ലബ്ബ്, കെ.എ.ടി.എഫ് ഉപജില്ല കമ്മറ്റിയുമായി സഹകരിച്ച് ഉപജില്ലയിലെ UP വിഭാഗം അറബി ഭാഷ പഠിക്കുന്ന കുട്ടികൾക്കായി ഏകദിന ഫുട്ബോൾ മത്സരം കണ്ടനകം ടർഫിൽ സംഘടിപ്പിച്ചു.

മത്സരം കാലടി പഞ്ചായത്ത് പ്രസിഡണ്ട് അസ്‌ലംതിരുത്തി ഉദ്ഘാടനം ചെയ്തു. സി.കെ സൈനുദ്ദീൻ മാസ്റ്റർ, അബ്ദുൾ സലീം സി.എ, മുഹമ്മദ് ജലീൽ പി, സലീം , ഉബൈദ് വി, ഇസ്മയിൽ മാസ്റ്റർ, ഫാത്തിമ ടി, അഫീല ടീച്ചർ, നൂർ ജഹാൻ മാസ്റ്റർ, റുഖിയ ടീച്ചർ എന്നിവർ നേതൃത്വം നൽകി.

ഉപജില്ലയിലെ പതിനൊന്ന് സ്കൂൾ ഫുട്ബോൾ ടീമുകളാണ് മത്സരത്തിൽ പങ്കെടുത്തത്.

എം.ടി.എസ്.യു.പി.എസ് നന്നംമുക്ക് ഒന്നാം സ്ഥാനവും, എ യു പി.എസ് നെല്ലിശ്ശേരി രണ്ടാം സ്ഥാനവും, ബി.ടി.എം.യു.പി.എസ് ആലങ്കോട് മൂന്നാം സ്ഥാനവും കരസ്ഥമാക്കി.