മൂക്കുതല ശ്രീ പകരാവൂർ ശിവക്ഷേത്രത്തിലെ മഹാശിവരാത്രി ഉത്സവം 2023 ഫെബ്രുവരി 17, 18 വെള്ളി, ശനി ദിവസങ്ങളിൽ:

മൂക്കുതല : മൂക്കുതല ശ്രീ പകരാവൂർ ശിവക്ഷേത്രത്തിലെ മഹാശിവരാത്രി ഉത്സവം 2023 ഫെബ്രുവരി 17, 18 വെള്ളി, ശനി (1198 കുംഭം 5, 6) ദിവസങ്ങളിൽ നടക്കും.

ശിവരാത്രി ദിനം 18 ന് രാവിലെ 5.30ന് മഹാഗണപതി ഹോമം, 6.15ന്ഉഷപൂജ, 7-ന് നവകം, പഞ്ചഗവ്യം തുടങ്ങിയ വിശേഷാൽ ചടങ്ങുകളോടെ ആരംഭമാകും. തുടർന്ന് 7 മുതൽ 9 വരെ പ്രഭാത ഭക്ഷണവും, 8 ന് വിദ്യാഗോപാല മന്ത്രാർച്ചന ശ്രീ.പി. ചിത്രൻ നമ്പൂതിരിപ്പാടിൻ്റെ നേതൃത്വത്തിൽ നടക്കും.

കലാ സാഹിത്യ സാംസ്കാരിക പ്രമുഖർ പങ്കെടുക്കുന്ന കലാപരിപാടികളുടെ ഉദ്ഘാടനം ശ്രീ.പി. ചിത്രൻ നമ്പൂതിരിപ്പാട് നിർവ്വഹിക്കും. ചടങ്ങിൽ വിശിഷ്ട വ്യക്തിത്വങ്ങളെ ആദരിക്കും.

10-ന് പറ നിറപ്പ് 10.30 ന് കൈകൊട്ടിക്കളി 11 ന് ഭക്തിഗാനസുധയും, തുടർന്ന് പ്രസാദ ഊട്ടും നടക്കും.

വൈകുന്നേരം 5 മണിയോടെ കണ്ണേങ്കാവിൽ നിന്നും എഴുന്നള്ളിപ്പ്, ദീപാരാധന, ചൈനീസ് വെടിക്കെട്ട്, തായമ്പക, എഴുന്നെള്ളിപ്പ്, അത്താഴപൂജ, നൃത്തനൃത്യങ്ങൾ കലാപരിപാടികൾ എന്നിവയും രാത്രി 11.30 ന് കാഞ്ഞിയൂർ കിഴക്കുംഭാഗം നിസരിയുടെ ആഭിമുഖ്യത്തിൽ പ്രശസ്ത കലാകാരന്മാർ അണിനിരക്കുന്ന തൃശൂർ മെലഡി വോയ്സിൻ്റെ ഗാനമേളയും അരങ്ങേറും.