പൂക്കരത്തറ തളി ശിവക്ഷേത്രത്തിൽ ശിവരാത്രി ആഘോഷം ഫിബ്രവരി 17,18 തിയ്യതികളിൽ ആഘോഷിക്കും:

എടപ്പാള്‍: പൂക്കരത്തറ തളി ശിവക്ഷേത്രത്തിലെ ഈ വർഷത്തെ ശിവരാത്രി ആഘോഷം 2023 ഫിബ്രവരി 17,18 തിയ്യതികളിൽ ആഘോഷിക്കും. ഫിബ്രവരി 17 വെള്ളിയാഴ്ച വൈകിട്ട് 6:20 ന് ക്ഷേത്രം തന്ത്രി അണ്ടലാടി പരമേശ്വരൻ (കുട്ടൻ) നമ്പൂതിരിപ്പാട്, മേല്‍ശാന്തി കാശിപ്പുള്ളി ശങ്കരനാരായണൻ നമ്പൂതിരി എന്നിവരുടെ കാര്‍മികത്വത്തില്‍ നവകം, പഞ്ചഗവ്യം തുടർന്ന് ദീപാരാധനയും നടക്കും. തുടർന്ന് ഫിബ്രവരി 18 ശനിയാഴ്ച ശിവരാത്രി ദിനത്തിൽ രാവിലെ 4.00 മണി മുതൽ നിര്‍മ്മാല്യദര്‍ശനം, അഭിഷേകം, മലര്‍നിവേദ്യം, ധാര, ഗണപതിഹോമം, , ഉഷപൂജ, പന്തീരടി പൂജ, ഉച്ചപൂജ എന്നിവ ഉണ്ടാവും. പ്രഭാത ഭക്ഷണവിതരണവും ഉണ്ടായിരിക്കും .

വൈകീട്ട് 4:30ന് കാഴ്ചശീവേലി , മേളത്തോടുകൂടി എഴുന്നള്ളിപ്പ് തുടർന്ന് വൈകിട്ട് 5:30 മുതല്‍ വിവിധ കലാരൂപങ്ങളുടെ വരവുകള്‍ ഉണ്ടായിരിക്കും. 6:30 ന് ദീപാരാധന, ദീപാരാധനയ്ക്കു ശേഷം ചൈനീസ് വെടിക്കെട്ട്, രാത്രി 8ന് ശിവരാത്രി പൂജ, തുടർന്ന് 8:30 ന് – ശുകപുരം രഞ്ജിത്തിൻ്റെ തായമ്പക, ശേഷം അത്താഴപൂജ , വിളക്കിനെഴുന്നള്ളിപ്പ്, രാത്രി 10 ന്  തിരുവനന്തപുരം കീർത്തന തീയ്യേറ്റേഴ്സ് അവതരിപ്പിക്കുന്ന ‘ബാലെ’ – ശ്രീലക്ഷ്മി നാരായണം എന്നിവയും ഉണ്ടായിരിക്കും.