കോട്ടേക്കാവ് ഭഗവതി ക്ഷേത്രത്തിലെ താലപ്പൊലി ആഘോഷിച്ചു:

ആനക്കര: കോട്ടേക്കാവ് ഭഗവതി ക്ഷേത്രത്തിലെ താലപ്പൊലി ആഘോഷിച്ചു. രാവിലെ വിശേഷാല്‍ പൂജ, ഉച്ചക്ക് ശേഷം ആന, കൊടലില്‍ കൃഷ്ണകുമാറിന്റെ പഞ്ചവാദ്യം അകമ്പടിയോടെ എഴുന്നള്ളിപ്പ് ക്ഷേത്രത്തിലെത്തിയതോടെ വിവിധ കമ്മറ്റികളുടെ ആഭ്യമുഖ്യത്തില്‍ ആനപ്പൂരങ്ങള്‍ ക്ഷേത്രത്തിലെത്തി. തുടര്‍ന്ന് നാട്ടുവഴികളെ ധന്യമാക്കി തെയ്യം, തിറയാട്ടം, കരിങ്കാളി, പഞ്ചാരിമേളം,  ശിങ്കാരിമേളം, വിവിധ വേഷങ്ങള്‍ എന്നിവയോടെ കൊടിവരവുകളെത്തി.  രാത്രിയില്‍ കല്‍പ്പാത്തി ബാലകൃഷ്ണന്‍, ചിറക്കല്‍ നിധീഷ് എന്നിവരുടെ നേത്യത്വത്തില്‍ ഡബിള്‍ തായമ്പക, വിവിധ കലാപരിപാടികള്‍ പുലര്‍ച്ചെ എഴുന്നള്ളിപ്പ് എന്നിവയേടെ ഉത്സവ പരിപാടികള്‍ക്ക് സമാപനമായി.