വനിതാ ജനപ്രതിനിധികൾക്ക് സ്നേഹാദരം:

തവനൂർ: തവനൂർ ഗ്രാമ പഞ്ചായത്ത് ഭരണ സമിതി സംവിധാനം സജ്ജമായ 1963 മുതൽ തവനൂർ പഞ്ചായത്തിലെ ഭരണചക്രം തിരിച്ച വനിതകളുടെ ഒത്ത്കൂടൽ സംഘടിപ്പിച്ചു.

1963 ലെ ആദ്യഭരണ സമിതിയിലേക്ക് നോമിനേറ്റ് ചെയ്യപ്പെട്ട അംഗം മുതൽ പിന്നീട് സ്ത്രീ പങ്കാളിത്തം നിയമമാക്കപ്പെട്ട
1995 കാലത്തിനുശേഷം കടന്നുവന്നവരും ഒത്ത് ചേർന്നത് നവ്യാനുഭവമായി.

തവനൂർ സർവീസ് സഹകരണ ബാങ്ക് 60-ാം വാർഷിക പരിപാടിയുടെ ഭാഗമായി മറവഞ്ചേരിയിൽ സംഘടിപ്പിച്ച കൂട്ടായ്മ ആദരണം. പൊന്നാനി ബ്ലോക്ക് പഞ്ചായത്ത് വൈസ് പ്രസിഡന്റ് അഡ്വ. ആർ. ഗായത്രി ഉദ്ഘാടനം ചെയ്തു. ബാങ്ക് പ്രസിഡന്റ് പി. ജ്യോതി അധ്യക്ഷത വഹിച്ച ചടങ്ങിൽ
സെക്രട്ടറി മുരളീധരൻ സ്വാഗതവും അസി.സെക്രട്ടറി സജിത് നന്ദിയും പറഞ്ഞു. ജനപ്രതിനിധികളായ പ്രേമലത, പ്രജി, ബിന്ദു, സുനിത, സബിൻ, ബാലകൃഷ്ണൻ , ഓഡിറ്റർ സി.സുഭാഷ്, മുൻ ജനപ്രതിനിധികളായ
എ.ടി. സജിത, വി.എം.ശോഭന , എം.പി.പാർവതി, പി.കെ.ലില്ലി, വി.വി. സൗമിനി, ലീല വിശ്വനാഥൻ, സ്വർണ്ണകുമാരി, പാർവതി അന്തർജനം, പി.ദിവ്യ എന്നിവർ സംസാരിച്ചു.