ആനക്കര സ്വാമിനാഥ വിദ്യാലയത്തില്‍ ‘ഇല’ പദ്ധതിയുടെ ഉദ്ഘാടനം നടന്നു:

ആനക്കര: 2022 – 23 അദ്ധ്യയന വര്‍ഷം പ്രൈമറി ക്ലാസുകളില്‍ ശാസ്ത്രം, ഗണിതം, ഭാഷ എന്നീ വിഷയങ്ങള്‍ ലക്ഷ്യം വയ്ക്കുന്ന പഠനനേട്ടങ്ങള്‍ക്ക് ഊന്നല്‍ കൊടുത്തു കൊണ്ട് ആനക്കര സ്വാമിനാഥ വിദ്യാലയത്തില്‍ ‘ഇല’ പദ്ധതിയുടെ ഉദ്ഘാടനം ഡയറ്റ് പ്രിന്‍സിപ്പല്‍ ഡോ.പി ശശിധരന്‍ നിര്‍വ്വഹിച്ചു. തുടര്‍ന്ന് നടന്ന ഗണിതരസം ഏകദിന ശില്പശാല പ്രശസ്ത ഗണിതാധ്യാപകന്‍ തോംസണ്‍ മാസ്റ്ററുടെ നേതൃത്വത്തില്‍ നടന്നു. ചടങ്ങിന് ഡയറ്റ് സീനിയര്‍ ലക്ചറര്‍ മുകുന്ദന്‍ മാസ്റ്റര്‍ അദ്ധ്യക്ഷനായി. ഡയറ്റ് സീനിയര്‍ ലക്ചറര്‍ സുനില്‍ അലക്‌സ് , എം.പി.ടി.എ വൈസ് പ്രസിഡന്റ് ശ്രീത എന്നിവര്‍ചടങ്ങിന് ആശംസയര്‍പ്പിച്ചു. സ്‌ക്കൂളിലെ എസ്.ആര്‍.ജി കണ്‍വീനറായ ഇ.ജി രേഖ സ്വാഗതവും, ഷരീഫ് മാസ്റ്റര്‍ നന്ദിയും പറഞ്ഞു.