ശുകപുരം ദക്ഷിണാമൂർത്തി ക്ഷേത്രത്തിലെ മരം മുറിക്കെതിരെ പ്രതിഷേധം കനക്കുന്നു; 24.02.2023 (വെള്ളി) വൈകുന്നേരം അഞ്ചിന് ക്ഷേത്ര സംരക്ഷണവലയം തീർക്കാൻ ആചാരസംരക്ഷണ സമിതി:

എടപ്പാൾ: ശുകപുരം ദക്ഷിണാമൂർത്തി ക്ഷേത്രത്തിൽ വികസന പ്രവർത്തനങ്ങളുടെ പേരിൽ ക്ഷേത്രത്തിലെ 127ഓളം വരുന്ന തെങ്ങുകളും അപൂർവ്വ മരങ്ങളും ലേലം ചെയ്തു വിൽക്കുവാനുള്ള നീക്കത്തിനെതിരെ ആചാരസംരക്ഷണ സമിതി ശുകപുരം ദക്ഷിണാമൂർത്തി ക്ഷേത്ര പരിസരത്ത്  ക്ഷേത്രസംരക്ഷണ വലയം ഒരുക്കുന്നു. ഭക്തജനങ്ങളുടെ വിശ്വാസത്തെ വകവയ്ക്കാതെ, ക്ഷേത്രാചാര മര്യാദകൾക്ക് പുല്ലുവില കല്പ്പിക്കുകപോലും ചെയ്യാതെ, ഗൂഢ ലക്ഷ്യങ്ങളോടെ ക്ഷേത്ര ഭാരവാഹികൾ നടത്തുന്ന നീക്കത്തിനെതിരെയാണ് ഭക്ത ജനങ്ങൾ ശുകപുരം ദക്ഷിണാമൂർത്തി ക്ഷേത്രസംരക്ഷണ വലയം തീർക്കുന്നതെന്ന് ഭാരവാഹികൾ അറിയിച്ചു.

24.02.2023ന് വൈകുന്നേരം 5 മണിക്ക് ക്ഷേത്രപരിസരത്ത് നടത്തുന്ന ഈ പരിപാടിയുടെ ഉദ്ഘാടനം ബ്രഹ്മശ്രീ അക്കീരമൺ കാളിദാസ ഭട്ടതിരിപ്പാട് (സംസ്ഥാന പ്രസിഡണ്ട്, യോഗക്ഷേമസഭ) നിർവഹിക്കുമെന്ന് ശുകപുരം ശ്രീ ദക്ഷിണാമൂർത്തി ക്ഷേത്ര ആചാര സംരക്ഷണ സമിതി അറിയിച്ചു.