തലമുണ്ട ലക്ഷം വീട് കോളനി അംഗനവാടിക്ക് 20 ലക്ഷം രൂപ അനുവദിച്ചു:

എടപ്പാൾ: വളരെ ശോചനീയാവസ്ഥയിൽ ആയിരുന്നു തലമുണ്ട ലക്ഷം വീട് കോളനി (68 നമ്പർ) അംഗനവാടിക്ക് 20 ലക്ഷം രൂപ അനുവദിച്ചു. മലപ്പുറം ജില്ലാ പഞ്ചായത്ത് മെമ്പർ അഡ്വ: പി.പി.മോഹൻദാസിന്റെ വികസന ഫണ്ടിൽ നിന്നുമാണ് തുക അനുവദിച്ചത്. പുതിയ കെട്ടിടത്തിന്റെ തറക്കല്ലിടൽ ചടങ്ങ് ജില്ലാ പഞ്ചായത്ത് മെമ്പർ അഡ്വ.പി.പി.മോഹൻദാസ് നിർവഹിച്ചു. വാർഡ് മെമ്പർ എ. ദിനേശ് അധ്യക്ഷത വഹിച്ചു. ചടങ്ങിൽ എടപ്പാൾ ഗ്രാമ പഞ്ചായത്ത് വൈസ് പ്രസിഡന്റ്‌ കെ. പ്രഭാകരൻ, ടി.കെ.സൂരജ്, രമണി ടീച്ചർ, ടി. പി ശശികുമാർ, രമണി, പ്രസന്ന എന്നിവർ സംസാരിച്ചു. അംഗനവാടി വർക്കർ മിനി സ്വാഗതവും, കെ. പി. ശ്രീനിവാസൻ നന്ദിയും പറഞ്ഞു.