കടന്നല്‍ കൂടിളകി അഞ്ചുപേര്‍ക്ക് കടന്നലുകളുടെ കുത്തേറ്റു:

ആനക്കര : പടിഞ്ഞാറങ്ങാടി കല്ലടത്തൂരില്‍ പനയില്‍നിന്ന് താഴെവീണ കടന്നല്‍ക്കൂടിളകി അഞ്ചുപേര്‍ക്ക് കടന്നലുകളുടെ കുത്തേറ്റു. കല്ലടത്തൂര്‍ വടക്കത്ത് പറമ്പില്‍ ദിവാകരന്റെപറമ്പില്‍ ജോലിക്കെത്തിയ മഠത്തില്‍ ക്കുഴിയില്‍ രമയ്ക്കാണ് ആദ്യം കുത്തേറ്റത്. ഇവരുടെ നില വിളികേട്ട് ഓടിയെത്തിയ മഠത്തില്‍ക്കുഴിയില്‍ ശങ്കരന്‍, മകള്‍ സജിത, വിരുത്തിപ്പറമ്പില്‍ കുഞ്ഞുമോന്‍, പുലാക്കാവില്‍ ദാമോദരന്‍ എന്നിവര്‍ക്കും കുത്തേറ്റു. ഇവര്‍ പലദിശകളിലേക്കും ഓടി രക്ഷപ്പെടാന്‍ ശ്രമിച്ചെങ്കിലും കടന്നലുകള്‍ പിന്‍തുടര്‍ന്ന് കുത്തുകയായിരുന്നു.