ചാലിശ്ശേരി മുലയംപറമ്പത്ത് ഭഗവതി ക്ഷേത്രത്തിലെ പൂരം ചൊവ്വാഴ്ച 28.02.23 ആഘോഷിക്കും

ആനക്കര : പ്രസിദ്ധമായ ചാലിശ്ശേരി മുലയംപറമ്പത്ത് ഭഗവതി ക്ഷേത്രത്തിലെ പൂരം വിപുലമായ പരിപാടികളുടെ ചൊവ്വാഴ്ച ആഘോഷിക്കും. പാലക്കാട്, തൃശൂര്‍ ,മലപ്പുറം ജില്ലകളുടെ സംഗമ സ്ഥലമായ ക്ഷേത്ര സന്നിധിയില്‍ ചൊവ്വാഴ്ച വിശേഷാല്‍ പൂജകള്‍ നടക്കും. ഉച്ചക്ക് ദേവസ്വം പൂരം എഴുന്നെള്ളിക്കും അഞ്ച് ഗജവീരന്മാരും , പഞ്ചവാദ്യവും അകമ്പടിയാകും ഗജവീരന്‍ ഗുരുവായൂര്‍ ഇന്ദ്രസ്വന്‍ ദേവിയുടെ തിടമ്പേറ്റും. വൈകീട്ട് അഞ്ചിന് മൂന്ന് ജില്ലകളില്‍ നിന്നായി കേരളത്തിലെ പേരുകേട്ട ഗജവീരന്മാരുടെ അകമ്പടിയോടെ 33 ദേശങ്ങളുടെ ആനപൂരങ്ങളും , 20 ഓളം പ്രാദേശീക വരവുകളും ഉത്സവത്തില്‍ പങ്കെടുക്കും. വൈകീട്ട് 6.30 ന് നടക്കുന്ന കൂട്ടി എഴുന്നെള്ളിപ്പില്‍ പാമ്പാടി രാജന്‍, ചിറക്കല്‍ കാളിദാസന്‍, മംഗലാ കുന്ന് അയ്യപ്പന്‍ ഉള്‍പ്പെടെ കേരളത്തിലെപേരു കേട്ട ഗജവീരന്മാര്‍ അണിനിരക്കും.പൂരം തലേന്ന് തിങ്കളാഴ്ച വൈകീട്ട് അഞ്ചുമുതല്‍ പ്രസിദ്ധമായ പൂര വാണിഭം ആരംഭിക്കും .പച്ചക്കറി കാര്‍ഷിക ഉപകരണങ്ങളും ചൊവ്വാഴ്ച രാവിലെ വരെ നീണ്ടു നില്‍ക്കുന്ന മല്‍സ്യക്കച്ചവടവും നടക്കും .