ആലൂര്‍ ചാമുണ്ഡിക്കാവ് ഭഗവതിക്ഷേത്രത്തിലെ പൂരം വെള്ളിയാഴ്ച്ച

ആനക്കര : ആലൂര്‍ ചാമുണ്ഡിക്കാവ് ഭഗവതിക്ഷേത്രത്തിലെ പൂരം വെള്ളിയാഴ്ച വിവിധ പരിപാടികളോടെ ആഘോഷിക്കും.

ഉത്സവദിവസം രാവിലെ ക്ഷേത്രത്തില്‍ വിശേഷാല്‍ പൂജകള്‍ നടക്കും. പൂജകള്‍ക്ക് ക്ഷേത്രം മേല്‍ശാന്തി സുന്ദരന്‍ എമ്പ്രാന്തിരി കര്‍മ്മിക്വതം വഹിക്കും.

ഉച്ചയ്ക്കുശേഷം മൂന്ന് ആനകളുടെയും പഞ്ചവാദ്യത്തിന്റെയും മേളത്തിന്റെയും അകമ്പടിയോടെ കീഴേടം പള്ളിക്കുളങ്ങര അയ്യപ്പക്ഷേത്രത്തിലേക്കും തിരിച്ചും ദേവസ്വം എഴുന്നള്ളിപ്പ് നടക്കും.

തുടര്‍ന്ന്, തിറ-പൂതന്‍ തുടങ്ങിയ ആചാര എഴുന്നള്ളിപ്പുകള്‍ ഉത്സവപ്പറമ്പിലെത്തും. വൈകീട്ട് വിവിധ ദേശക്കമ്മിറ്റികളുടെ നേതൃത്വത്തില്‍ കൊടിവരവുകളും നടക്കും. രാത്രിയില്‍ കല്പാത്തി ബാലകൃഷ്ണന്‍, കലൂര്‍ ഉണ്ണികൃഷ്ണന്‍ എന്നിവരുടെ നേതൃത്വത്തില്‍ ഇരട്ടത്തായമ്പകയും ഉണ്ടാകും.