ടി എം.വാസുദേവൻ നമ്പൂതിരിയുടെ ഇരുപത്തഞ്ചാം ചരമവാർഷിക ദിനത്തിൽ അനുസ്മരണ സമ്മേളനം തവനൂരിൽ നടന്നു:

തവനൂർ: തവനൂരിൻ്റെ വികസന ശില്പി എന്നറിയപ്പെട്ടിരുന്ന ടി എം.വാസുദേവൻ നമ്പൂതിരിയുടെ ഇരുപത്തഞ്ചാം ചരമവാർഷിക ദിനത്തിൽ അനുസ്മരണ സമ്മേളനം തവനൂരിൽ നടന്നു.

തവനൂർ സ്കൂൾ മുതൽ കാർഷിക സർവ്വകലാശാല വരെ തവനൂരിൽ എത്തിക്കുന്നതിനായി ഏക്കറുകണക്കിന് ഭൂമി സംഭാവന ചെയ്യുകയും തവനൂർ സർവീസ് സഹകരണ ബാങ്ക് ഉൾപ്പെടെ സ്ഥാപനങ്ങളുടെ രൂപീകരണത്തിന് നേതൃത്വം കൊടുക്കുകയും ചെയ്ത വാസുദേവൻ നമ്പൂതിരി അനുസ്മരണo ബാലൻ മാസ്റ്റർ നിർവഹിച്ചു. പൊന്നാനി താലുക്ക് സർക്കിൾ കോ ഓപ് യൂണിയൻ ചെയർമാൻ പ്രൊഫ.ടി.പി.ഹബീബ് റഹ്മാൻ അധ്യക്ഷത വഹിച്ചു.

തവനൂർ സർവീസ് സഹകരണ ബാങ്കിൻ്റെ അറുപതാം വാർഷികത്തിൻ്റെ ഭാഗമായി സംഘടിപ്പിച്ച ‘ ചടങ്ങിൽ ബാങ്ക് പ്രസിഡണ്ട് പി. ജ്യോതി സ്വാഗതവും മാനേജർ പി ദിവ്യ നന്ദിയുംപറഞ്ഞു.