ഇന്ത്യ ബുക് ഓഫ് റെക്കോർഡ്സിൽ ഇടം നേടി റിത്വിക്:

എടപ്പാൾ: കടകശ്ശേരി ഐഡിയൽ ഇംഗ്ലീഷ് സ്കൂളിലെ റിത്വിക് എന്ന വിദ്യാർത്ഥി ഇന്ത്യ ബുക് ഓഫ് റെക്കോർഡ്സിൽ ഇടം നേടി.

ഇരുപത്തഞ്ച് തരത്തിലുള്ള റുബിക്സ് ക്യൂബുകൾ മുപ്പത്തിരണ്ട് മിനിറ്റിനുള്ളിൽ സോൾവ് ചെയ്ത് പുതുമ സൃഷ്ടിച്ചാണ് നാലാം ക്ലാസ്സിൽ പഠിക്കുന്ന റിത്വിക് എന്ന കൊച്ചു മിടുക്കൻ ഇന്ത്യ ബുക്ക് ഓഫ് റെക്കോർഡ്സിൽ സ്ഥാനം പിടിച്ചത്.

രണ്ടാം ക്ലാസ് മുതൽ റൂബിക് സോൾവ് ചെയ്യുന്നതിൽ മിടുക്ക് കാണിച്ചിരുന്ന റിത്വിക് ഓൾ ഇന്ത്യ തലത്തിൽ നടക്കുന്ന ഒളിംപ്യാട് എക്സാമിൽ ഇംഗ്ലീഷിൽ ഗോൾഡ് മെഡൽ നേടിയിട്ടുണ്ട്.

മലയാള പ്രസംഗ മത്സരങ്ങളിലും സ്കേറ്റിംഗിലും മികച്ച പ്രകടനം കാഴ്ച വെക്കാറുള്ള ഈ കൊച്ചു മിടുക്കൻ മാങ്ങാട്ടൂർ തേറമ്പത്ത് വീട്ടിൽ റിനോജിൻ്റെയും, ഐഡിയൽ സകൂൾ ടീച്ചർ വിജി റിനുവിൻ്റെയും ഏക മകനാണ് .