വട്ടംകുളം ഐ.എച്ച്.ആർ.ഡി യിൽ നടന്ന തൊഴിൽമേള സമാപിച്ചു:

എടപ്പാൾ: IHRD അപ്ലൈയ്ഡ് സയൻസ് കോളേജ് വട്ടംകുളവും, ജില്ലാ എംപ്ലോയ്മെന്റ് എക്സ്ചേഞ്ചും സംയുക്തമായി സംഘടിപ്പിച്ച തൊഴിൽ മേളയിൽ ഒട്ടേറെ വിദ്യാർത്ഥികൾ പങ്കെടുത്തു. 22 ഓളം കമ്പനികൾ പങ്കെടുത്ത തൊഴിൽ മേളയിൽ 1000 ത്തോളം വിദ്യാർത്ഥികൾ രജിസ്റ്റർ ചെയ്ത് അഭിമുഖത്തിനെത്തി. 139 പേർക്ക് തൊഴിൽ ലഭിച്ചു.

കോളേജ് പ്രിൻസിപ്പൽ അബ്ദുസമദ്.പി അധ്യക്ഷത വഹിച്ച ചടങ്ങ് ജില്ലാ പഞ്ചായത്ത്‌ അംഗം ആരിഫ നസീർ ഉദ്ഘാടനം ചെയ്തു. ജില്ലാ എംപ്ലോയ്മെന്റ് ഓഫീസർ ഷൈലേഷ് കെ. മുഖ്യ പ്രഭാഷണം നടത്തി. കോളേജ് പ്ലേസ്‌മെന്റ് ഓഫീസർ ഗോപാലകൃഷ്ണൻ യു. കെ സ്വാഗതം പറഞ്ഞു. എംപ്ലോയ്മെന്റ് ഓഫീസഴ്സ് ആയ സമീറ എൻ. പി, ഗീത പി, കെ. സുബ്രഹ്‌മണ്യൻ സംസാരിച്ചു. ഡോ. ഫിജോ ജോസ്, നന്ദജ പി. ആർ, അശ്വതി എം. എൻ, സിൽജ എം. എസ്, അബ്ദുൽ സലാം ഇ. പി, അബ്ദുൽ ഹാഷിർ എന്നിവർ ആശംസകൾ അറിയിച്ചു സംസാരിച്ചു. എംപ്ലോയ്മെന്റ് ഓഫീസർ എൻ. ഹേമകുമാരി നന്ദി രേഖപ്പെടുത്തി.