പോട്ടൂർ ശ്രീമഹാവിഷ്ണു ക്ഷേത്രത്തിൽഉത്സവത്തിന് കൊടിയേറി:

എടപ്പാൾ: പോട്ടൂർ ശ്രീമഹാവിഷ്ണു ക്ഷേത്രത്തിൽഉത്സവത്തിന് കൊടിയേറി.
ക്ഷേത്ര മേൽ ശാന്തി ബ്രഹ്മശ്രീ കുമരം പുലായ്ക്കൽ നാരായണൻ നമ്പൂതിരി കൊടിയേറ്റം നടത്തി.

മേളം തൃത്താല കലാമണ്ഡലം ശ്രീ ശങ്കര കൃഷ്ണ പൊതുവാൾ, ദേവനന്ദൻ എടപ്പാൾ, ക്ഷേത്രം രക്ഷാധികാരി ശ്രീ ഇ.ടി ചന്ദ്രൻ നമ്പ്യാർ, ക്ഷേത്ര ഭരണ സമിതി പ്രസിഡണ്ട് ശ്രീ ശശി തല കാപ്പിൽ , സെക്രട്ടറി ശ്രീ ബാബു തറമ്മൽ , ട്രഷറർ ശ്രീ ആതാവിൽ സദാനന്ദൻ , ക്ഷേത്രം എക്സിക്യൂട്ടീവ് അംഗങ്ങൾ, നാട്ടുകാർ എന്നിവരുടെ സാന്നിദ്ധ്യത്തിലാണ് കൊടിയേറ്റം നടന്നത്.

പത്തു ദിവസം നീണ്ടുനിൽക്കുന്ന ഉത്സവത്തിൽ ഇന്നു മുതൽ 10 ദിവസം എന്നും വൈകീട്ട് വിശേഷാൽ നിറമാല ഉണ്ടായിരിയ്ക്കും ഉത്സവത്തലേന്ന് 23-ാം തിയ്യതി വ്യാഴാഴ്ച രാവിലെ മുതൽ കലവറനിറയ്ക്കൽ ചടങ്ങു നടക്കും. വൈകുന്നേരം ക്ഷേത്രം തന്ത്രി ബ്രഹ്മശ്രീ കല്ലൂർ നാരായണൻ നമ്പൂതിരിപ്പാടിന്റെ കാർമ്മികത്വത്തിൽ ഭഗവത്സേവ നടക്കും. വൈകീട്ട് 7 മണി മുതൽ നൃത്തനൃത്യങ്ങൾ കരോക്കെ ഗാനമേള, നാടൻപാട്ട് എന്നിവ നടക്കും. ഉത്സവദിവസം പതിവു പൂജകൾക്കു പുറമെ വിശേഷാൽ പൂജകൾക്കുശേഷം പ്രഭാതഭക്ഷണം, ഉച്ചയ്ക്ക് അന്നദാനം എന്നിവയുണ്ട്. വൈകുന്നേരം 4 മണിയ്ക്ക് പഞ്ചവാദ്യം, 8 മണിക്ക് തായമ്പക. 9.30 ന് ചാക്യാർകൂത്ത് തുടങ്ങിയവയും അരങ്ങേറും.