പറവകൾക്കൊരു തണ്ണീർ കുടം പദ്ധതിക്ക് തുടക്കം കുറിച്ചു:

കുറ്റിപ്പുറം : മറവഞ്ചേരി ഹിൽ ടോപ് പബ്ലിക് സ്കൂളിൽ പറവകൾക്കൊരു തണ്ണീർ കുടം പദ്ധതിക്ക് തുടക്കം കുറിച്ചു.

ലോക ജലദിനത്തോടനുബന്ധിച്ചു സ്കൂൾ സയൻസ് ക്ലബ്ബിന്റെ ആഭിമുഖ്യത്തിൽ ശക്തമായ വേനൽ ചൂടിൽ ദാഹജലം തേടിയലയുന്ന പറവകൾക്ക് തണ്ണീർകുടം ഒരുക്കുന്ന പദ്ധതി സ്കൂൾ ചെയർമാൻ സയ്യിദ് മുസ്തഫ തങ്ങൾ ഉദ്ഘാടനം ചെയ്തു.

ജനറൽ സെക്രട്ടറി മരക്കാർ ഹാജി, ട്രഷറർ അബ്ദുൽ ഹമീദ്, വൈസ് പ്രിൻസിപ്പാൾ ചന്ദ്രിക, അക്കാദമിക് കോഡിനേറ്റർ സെലീന എന്നിവർ പങ്കെടുത്തു. സയൻസ് ക്ലബ്‌ കൺവീനർ ശ്രീജിത്ത് നേതൃത്വം വഹിച്ചു.