ലോമാറ്റ് ലൈറ്റുകൾ സ്ഥാപിച്ചതിന്റെ പഞ്ചായത്ത്‌ തല ഉദ്ഘാടനം നിർവ്വഹിച്ചു:

എടപ്പാൾ: വട്ടംകുളം ഗ്രാമ പഞ്ചായത്തിലെ വിവിധപ്രദേശങ്ങളിൽ വെളിച്ചമെത്തിക്കുന്നതിന്റെ ഭാഗമായി ലോമാറ്റ് ലൈറ്റുകൾ സ്ഥാപിച്ചതിന്റെ പഞ്ചായത്ത്‌ തല ഉദ്ഘാടനം മൂതൂർ ജുമാ മസ്ജിദ് പരിസരത്തു ഗ്രാമപഞ്ചായത്ത് പ്രസിഡന്റ്‌ കഴുങ്കിൽ മജീദ് സ്വിച്ച് ഓൺ കർമം ചെയ്തു നിർവഹിച്ചു. വാർഡ് മെമ്പർ അക്‌ബർ പനച്ചിക്കൽ അധ്യക്ഷത വഹിച്ചു. എം.എ നജീബ് സ്റ്റാൻഡിങ് കമ്മിറ്റി ചെയർമാൻ മുഖ്യ പ്രഭാഷണം നടത്തി. ഹസ്സൈനാർ നെല്ലിശ്ശേരി, മുഹമ്മദ് കുട്ടി മാസ്റ്റർ, അഹമ്മദ്‌, മുതൂർ, മുഹമ്മദ് അലി കെ.വി, രായിൻകുട്ടി കെ വി, ഷെരീഫ് കെ, വി, ജംഷീർ പി.പി, എന്നിവർ അഭിവാദ്യങ്ങൾ നേർന്നു സംസാരിച്ചു.

കാലങ്ങളായി നാട്ടുകാരുടെ ആവശ്യമായ നാട്ടുവെളിച്ചം എത്തിക്കണം എന്ന ആവശ്യത്തിന് പരിഹാരം കാണാൻ ഇത്തരം പദ്ധതികളുമായി മുന്നോട്ടു പോകുന്നതിൽ ഭരണസമിതിക്കു അതിയായ സംതൃപ്തിയുണ്ടെന്ന്  പ്രസിഡന്റ്‌ മജീദ് കഴുങ്കിൽ പറഞ്ഞു. നാളെയും അടുത്ത ദിവസങ്ങളിലുമായി നടുവട്ടത്തും, രണ്ടാം വാർഡിലും, മറ്റ് വാർഡുകളിലും ലൈറ്റ്കൾ പ്രവർത്തന സജ്ജമാകും.