പള്ളികളിൽ ഉച്ഛഭാഷിണിയും മറ്റു അമിത ശബ്ദങ്ങളും ഓഴിവാക്കാൻ പള്ളി ഭാരവാഹികൾ മുൻ കൈയ്യെടുക്കണമെന്ന് എം.എസ്.എം ചങ്ങരംകുളം യൂണിറ്റ്:

ചങ്ങരംകുളം: പള്ളികളിൽ ബാങ്ക്‌ ഒഴികെയുള്ള കാര്യങ്ങൾക്ക്‌ ഉച്ഛഭാഷിണിയും മറ്റു അമിത ശബ്ദങ്ങളും ഓഴിവാക്കാൻ അതാത്‌ കമ്മിറ്റി ഭാരവാഹികൾ മുൻ കൈയ്യെടുക്കണമെന്ന് എം.എസ്.എം. ചങ്ങരംകുളം യൂണിറ്റ് ആവിശ്യപ്പെട്ടു.

പരീക്ഷാ കാലമായത്‌ കൊണ്ട്‌ ഉച്ഛഭാഷിണിയുടെയും മറ്റു അമിത ശബ്ദങ്ങളുടെയും ഉപയോഗം മൂലം ജനങ്ങൾക്ക്‌ ബുദ്ധിമുട്ടുകൾ നേരിടാതിരിക്കാൻ നോക്കേണ്ടത് നമ്മുടെ കടമയാണ്. പ്രാർത്ഥനയും ആരാധനയും ശബ്ദമുഖരിതമായി ചെയ്യേണ്ട പ്രവർത്തികളല്ല, റമദാൻ കാലത്ത്‌ ചില ആരാധനാലങ്ങളിൽ ഉച്ഛഭാഷിണിയുടെ ദുരുപയോഗം ഉണ്ടാകാറുണ്ട്‌, ഇത് ഒഴിവാക്കണമെന്നും യോഗം ആവശ്യപ്പെട്ടു.

എംഎസ്എസ് യൂണിറ്റിന്റെ ആഭിമുഖ്യത്തിൽ സൗഹൃദ സംഗമവും നോമ്പുതുറയും നടത്താനും തീരുമാനിച്ചു.

പി.പി. യൂസഫലി അദ്ധ്യക്ഷത വഹിച്ച യോഗത്തിൽ കെ.അനസ്‌, ബഷീർ കക്കിടിക്കൽ, മുജീബ്‌ കോക്കൂർ, എം അബ്ബാസലി, ഉമ്മർ തലാപ്പിൽ, എൻ ബദറുദ്ധീൻ, നജീർ അഹ്മദ്‌, പി വി നിയാസ്‌ എന്നിവർ പ്രസംഗിച്ചു.