പെൻഷനേഴ്സ് ഓർഗ്ഗനൈസേഷൻ്റെ നേതൃത്വത്തിൽ പ്രകടനവും ധർണ്ണയും നടന്നു:

എടപ്പാൾ:  മാർച്ച് മാസത്തെ പെൻഷൻ ലഭിക്കാത്തതിൽ പ്രതിഷേധിച്ച് പെൻഷനേഴ്സ് ഓർഗ്ഗനൈസേഷൻ്റെ നേതൃത്വത്തിൽ പ്രകടനവും ധർണ്ണയും എടപ്പാൾ കണ്ടനകം കെ.എസ്.ആർ.ടി.സി വർക്ക്ഷോപ്പിനു മുമ്പിൽ നടന്നു.  പെൻഷനേഴ്സ് ഓർഗ്ഗനൈസേഷൻ സംസ്ഥാന വൈസ് പ്രസിഡണ്ട് പി.രാധാകൃഷ്ണൻ ഉദ്ഘാടനം നടത്തി. കെ.പി.ഉണ്ണീരി (പ്രസി) അദ്ധ്യക്ഷത വഹിച്ചു. സെക്രട്ടറി പി.സുരേന്ദ്രൻ സ്വാഗതവും ടി.വി വിജയൻ നന്ദിയും രേഖപ്പെടുത്തി.

എക്സി.അംഗം പി.പി. കുഞ്ഞൻ, പി.ശശിധരൻ, പി.വി.ഹരിദാസൻ, എന്നിവർ നേതൃത്വം നൽകി. പെൻഷൻ കിട്ടുന്നതു വരെ പ്രതിഷേധ ധർണ്ണ തുടരുമെന്നും അറിയിച്ചു.