ജലക്ഷാമം നേരിടുന്ന പ്രദേശങ്ങളിൽ കുടിവെള്ളമെത്തിച്ച് വട്ടംകുളം ഗ്രാമപഞ്ചായത്ത്:

എടപ്പാൾ: വട്ടംകുളം ഗ്രാമപഞ്ചായത്തിലെ കുടിവെള്ള ക്ഷാമം നേരിടുന്ന ഭാഗങ്ങളിലുള്ള ജനങ്ങളുടെ പ്രയാസങ്ങൾ ദുരീകരിക്കുന്നതിന്നായി എല്ലാ വാർഡുകളിലേയും രണ്ടു ക്ലസ്റ്റർ ആക്കി തിരിച്ചു രണ്ടു വാഹനങ്ങളിലായി ഒന്നിടവിട്ട ദിവസങ്ങളിൽ കുടിവെള്ളം എത്തിക്കുന്നതിന്നായുള്ള ഭ്രുഹത്തായ പദ്ധതിക്ക് രൂപം നൽകി. വെള്ളം അമൂല്യമാണെന്നും, നമ്മൾ നൽകുന്നത് കുടിവെള്ളമാണെന്നും, അത് ദുരുപയോഗം ചെയ്‌താൽ മറ്റുള്ളവർ ബുദ്ധിമുട്ടിലാകുമെന്നുമുള്ള ചിന്തയോടെയും, നമ്മെപ്പോലെ മറ്റുള്ളവരും ജലത്തിനായി കാത്തിരിക്കുന്നുണ്ടെന്ന ബോധ്യത്തോടെയും, സൂക്ഷ്മതയോടെയും കുടിവെള്ളം ഉപയോഗിക്കണമെന്നും,  ആ തിരിച്ചറിവിൽനിന്നുകൊണ്ട് എല്ലാവരും ഈ പദ്ധതിയോട് സഹകരിക്കണമെന്നും, കുടിവെള്ള വിതരണം നിർവഹിച്ചു ഉദ്ഘാടനം ചെയ്യവേ ഗ്രാമപഞ്ചായത്ത്‌ പ്രസിഡന്റ് മജീദ് കഴുങ്കിൽ ആവശ്യപ്പെട്ടു.

എം എ, നജീബ്, പുരുഷോത്തമൻ, ദിലീപ് എരുവാപ്ര തുടങ്ങിയ മെമ്പർമാരും, നാസർ കൊലക്കാട്ട്, ബാലൻ പുളിക്കൽ, യു വി, സിദ്ധീക്, ഹാരിസ് മൂതൂർ എന്നിവരും ചടങ്ങിൽ സംബന്ധിച്ചു.