പെരുന്നാൾ ആഘോഷത്തിന് സ്വരുകൂട്ടിയ പണം സി എച്ച് സെന്ററിന്റെ ജീവകാരുണ്യത്തിന് നൽകി പത്ത് വയസുകാരി നിദ:

കുമരനല്ലൂർ: പെരുന്നാൾ ആഘോഷത്തിന് സ്വരുകൂട്ടിയ പണം സി എച്ച് സെന്ററിന്റെ ജീവകാരുണ്യത്തിന് നൽകി നടുവിലവളപ്പിൽ നിദ (10) മാതൃകയായി. കുമരനല്ലൂർ കൊടിക്കാംകുന്നിൽ നടുവിലവളപ്പിൽ നാസറിന്റെയും കപൂർ പഞ്ചായത്ത് വനിത ലീഗ് സെക്രട്ടറി എൻ വി നസീമയുടെയും മകളാണ് പത്ത് വയസ്കാരി നിദ. വിശേഷ ദിവസങ്ങളിൽ മുതിർന്ന കുടുംബാംഗങ്ങളിൽ നിന്നും സമ്മാനമായി കിട്ടിയ പണം അനാവശ്യമായി ചിലവഴിക്കാതെ സൂക്ഷിച്ച് കരുതിയ 1,459 രൂപയാണ് സി എച്ച് സെന്റർ ദിനത്തിൽ നിദ കൈമാറിയത്.

തൃത്താല മണ്ഡലം മുസ്ലിം ലീഗ് വൈസ് പ്രസിഡന്റ് അലി കുമരനല്ലൂർ നിദയിൽ നിന്നും സി എച്ച് സെന്ററിനുള്ള തുക ഏറ്റുവാങ്ങി. ടി.കാലിദ്, എം.വി.ഷഫീഖ്, എം.കെ. ഷബീർ, എൻ.കരീം, മാതാവ് നസീമ, സഹോദരൻ നാസിഫ്, പിതൃ സഹോദരൻ ഉണ്ണി തുടങ്ങിയവർ പങ്കെടുത്തു.