ചാലിശേരി പള്ളിയിൽ ഓശാന പെരുന്നാളിന് തുടക്കമായി:

ചങ്ങരംകളം: ചാലിശേരി സെന്റ് പീറ്റേഴ്സ് ആന്റ് സെൻറ് പോൾസ് യാക്കോബായ സുറിയാനി പള്ളിയിൽ ഓശാന പെരുന്നാളിന് ഞായറാഴ്ച തുടക്കമായി. ഞായറാഴ്ച വികാരി ഫാദർ എൽദോസ് ചിറക്കുഴിയിൽ ഓശാന പെരുന്നാൾ ശുശ്രുഷകൾക്ക്‌ കാർമ്മികത്വം വഹിച്ചു. പ്രഭാത പ്രാർത്ഥനക്കുശേഷം വിശുദ്ധ കുർബ്ബാന ആരംഭിച്ചു.

ഓശാന പ്രദക്ഷിണത്തിനു ശേഷം കുരുത്തോല വാഴ് വ് , സ്ളീബ ആഘോഷം, കുരുത്തോല വിതരണം, വിശുദ്ധ കുർബ്ബാന എന്നിവ ഉണ്ടായി. കുരുത്തോലകൾ കൈകളിലേന്തിയും പൂക്കൾ വിതറിയും യേശുദേവൻ ജെറുസലം ദേവലായത്തിലേക്ക് പ്രവേശിച്ചതിന്റെ സ്മരണ പുതുക്കിയുള്ള ഓശാന പ്രദക്ഷിണത്തിൽ നിരവധി വിശ്വാസികൾ പങ്കെടുത്തു. ആശീർവാദം , സ്ളീബ വണക്കം , സ്നേഹവിരുന്നും ഉണ്ടായി.

ഞായറാഴ്ച സന്ധ്യാ പ്രാർത്ഥനക്കു ശേഷം പീഢാനുഭവ വാരത്തിന്റെ ഭാഗമായുള്ള സുവിശേഷ യോഗത്തിൽ ഫാദർ ജോൺ വൈന്നിലത്തിൽ വചനപ്രഘോഷണം നടത്തി. തിങ്കൾ, ചൊവ്വ  ദിവസങ്ങളിൽ ഉച്ചയ്ക്ക് 12ന് ഉച്ച നമസ്കാരം, (തിങ്കൾ രാത്രി ഫാദർ ജിജു വർഗ്ഗീസ് തണ്ണീക്കോട്ടിൽ, ചൊവാഴ്ച രാത്രി ഫാദർ ബിജു മൂങ്ങാംകുന്നേൽ ) എന്നിവർ വചന സന്ദേശം നൽകും. വ്യാഴം രാവിലെ ആറിന് പെസഹ കുർബ്ബാന, ഉച്ചക്ക് 2.30 ന് പെസഹ ഊട്ട് , 6.30 ന് സന്ധ്യ നമസ്ക്കാരം, എട്ടിന് അറക്കൽ ചാപ്പലിൽ പ്രസംഗം എന്നിവ നടക്കും വെള്ളിയാഴ്ച രാവിലെ ഒമ്പതിന് ദു:ഖവെള്ളി ശൂശ്രുഷകൾ ആരംഭിക്കും. ശനിയാഴ്ച രാവിലെ 9.30 ന് വിശുദ്ധ കുർബ്ബാന ,വൈകീട്ട് ആറിന് സന്ധ്യാ പ്രാർത്ഥനക്കുശേഷം രാത്രി എട്ടിന് ഉയിർപ്പ് പെരുന്നാൾ ശൂശ്രുഷകൾ നടക്കും

ഇടവക വികാരി ഫാദർ എൽദോസ് ചിറക്കുഴിയിൽ , ട്രസ്റ്റി സി.യു. ശലമോൻ , സെക്രട്ടറി പി.സി. താരുകുട്ടി എന്നിവരടങ്ങുന്ന മാനേജിംഗ് കമ്മറ്റി നേതൃത്വം നൽകുമെന്ന് ഭാരവാഹികൾ പറഞ്ഞു.