തവനൂരിലെ ഫിസിയോതെറാപ്പി സെന്റർ തുറന്ന് പ്രവർത്തിക്കണം; പട്ടികജാതിമോർച്ച:

എടപ്പാൾ: തവനൂർ ഗവ:മെന്റ് ആശുപത്രിയുടെ കീഴിൽ ഫിസിയോതെറാപ്പി കേന്ദ്രത്തിനു വേണ്ടി വർഷങ്ങൾ മുമ്പ് നിർമ്മിച്ച കെട്ടിടം തുറന്ന് പ്രവർത്തിക്കുകയാണെങ്കിൽ ഫിസിയോതെറാപ്പി ചികിൽസ ആവശ്യമുള്ള പാവപ്പെട്ട ഒട്ടനവധി ആളുകൾക്ക്‌ പ്രയോജനപ്പെടുമെന്നും, ഈ കെട്ടിടതിനു ചുറ്റുമതിൽ നിർമ്മിക്കാത്തതുകൊണ്ട് കെട്ടിടത്തിന്റെ പരിസര പ്രദേശത്തു സാമൂഹ്യ വിരുദ്ധർ താവളമാക്കുന്ന സാഹചര്യത്തിൽ ചുറ്റുമതിൽകെട്ടി ഫിസിയോതെറാപ്പി സെന്റർ സംരക്ഷിക്കണമെന്നും, അല്ലാത്ത പക്ഷം ശക്തമായ സമരത്തിന് പട്ടികജാതി മോർച്ച നേതൃത്വം കൊടുക്കുമെന്ന് പട്ടികജാതിമോർച്ച സംസ്ഥാന സെക്രട്ടറി കെ.വി ദിവാകരൻ ഉദ്ഘാടന പ്രസംഗത്തിൽ പറഞ്ഞു.

ബി.ജെ.പി തവനൂർ മണ്ഡലം കമ്മറ്റി ഓഫീസ് കാലടിത്തറയിൽവെച്ച് ചേർന്ന യോഗത്തിൽ കെ.പി രവിചന്ദ്രൻ അധ്യക്ഷത വഹിച്ചു. ശിവദാസൻ വെണ്ടല്ലൂർ, കെ.വി അശോകൻ, എം.നടരാജൻ, സതീശൻ കാലടി, സുബ്രഹ്മണ്യൻ കൂരs, ഉണ്ണികൃഷ്ണൻ പയ്യങ്ങാട് , പ്രസാദ് അയിലക്കാട്, ബാബു കോലളമ്പ് എന്നിവർ പ്രസംഗിച്ചു.