പറൂപാടം വി സി ബി കം ബ്രിഡ്ജ് നിർമാണത്തിന് തുടക്കം കുറിച്ചു:

എടപ്പാൾ: വട്ടംകുളം ഗ്രാമപഞ്ചായത്തിലെ പാറൂപടം കർഷകർ എക്കാലത്തും ഗ്രാമസഭകളിൽ ഉന്നയിക്കുന്ന പ്രധാനപ്പെട്ട ആവശ്യവും, അവരുടെ ചിരകാലാഭിലാഷവു മായ വി സി ബി കം ബ്രിഡ്ജിന്റെ പണിക്കു തുടക്കം കുറിച്ചു, നിലവിൽ ജലം ആവശ്യാനുസരണം ഉപയോഗിക്കാനുള്ള ലഭ്യതക്കുറവ് അവിടത്തെ കർഷകരുടെ തീരാശാപമായിരുന്നു.

കുളങ്ങരപ്പാടം, പാറൂപാടം, തുടങ്ങിയ ഭാഗങ്ങളിൽ വെള്ളത്തിന്റെ നിയന്ത്രിത സ്വഭാവത്തിലേക്ക് വരുമ്പോൾ ആവശ്യാനുസരണം കൃഷിക്ക് വിനിയോഗിക്കാവുന്ന വിധത്തിൽ കർഷകർക്ക് ഉപയോഗിക്കാൻ സാധിക്കും. അതിന്റെ ആദ്യത്തെ ചുവടുവെപ്പായ ഈ പദ്ധതി യഥാർഥ്യമാകുന്നതോടെ യഥേഷ്ടം ജല ലഭ്യത കൈവരിക്കാൻ കഴിയും.

റാർബൻ പദ്ധതിയിലുള്ള വരദൂർ കായലിന്റെ ജലസേചന പദ്ധതി ഈ മാസം നാടിനു സമർപ്പിക്കാൻ കഴിയുംവിധം പണി അവസാന ഘട്ടത്തിലാണ്. അതേപോലെ അഞ്ചടി തൊടിന്റെയും, നീലിയാട് തൊടിന്റെയും, പദ്ധതികൾ പൂർത്തിയാകുന്നതോടെ ജലക്ഷാമം നേരിടുന്ന കാർഷികമേഖലയിൽ ഒരു വിപ്ലവം തന്നെ സൃഷ്ടിക്കാൻ കഴിയുമെന്നു ചടങ്ങ് ഉദ്ഘാടനം ചെയ്യവേ ഗ്രാമ പഞ്ചായത്ത്‌ പ്രസിഡന്റ്‌ മജീദ് കഴുങ്കിൽ പറഞ്ഞു. മെമ്പർ ഫസീല സജീബ് സ്വാഗതം പറഞ്ഞു, വൈസ് പ്രസിഡന്റ്‌ ദീപ മണി കണ്ഠൻ അധ്യക്ഷത വഹിച്ചു.

ഹസ്സൈനാർ നെല്ലിശ്ശേരി (മെമ്പർ), അക്‌ബർ പനച്ചികൽ (മെമ്പർ ), ഇബ്രാഹിം മൂതൂർ, സൈനുദ്ധീൻ, ഇ. സന്തോഷ്‌, എന്നിവരും സന്നിഹിതരായിരുന്നു.