മണ്ണെണ്ണ ഒഴിച്ച് തീകൊളുത്തി ആത്മഹത്യക്ക് ശ്രമിച്ച വീട്ടമ്മ ചികിത്സയിലിരിക്കെ മരിച്ചു:

എടപ്പാൾ: നടുവട്ടം കാലടിത്തറയിൽ മണ്ണെണ്ണ ഒഴിച്ച് തീ കൊളുത്തിയ വീട്ടമ്മ ചികിത്സയിൽ ഇരിക്കെ മരിച്ചു. കാലടിത്തറ മന്ദാരവളപ്പിൽ സെൽവരാജിന്റെ ഭാര്യ ഷീജ(42) ആണ് തൃശ്ശൂർ മെഡിക്കൽ കോളേജിൽ ചികിത്സയിൽ ഇരിക്കെ മരിച്ചത്. ഏപ്രിൽ 5ന് ഉച്ചക്ക് 12 മണിയോടെ വീട്ടിൽ വെച്ച് മണ്ണെണ്ണ ദേഹത്ത് ഒഴിച്ച് തീ കൊളുത്തുകയായിരുന്നു.

ഗുരുതരമായി പൊള്ളലേറ്റ ഷീജയെ നാട്ടുകാർ ചേർന്ന് സമീപത്തെ സ്വകാര്യ ആശുപത്രിയിലും പിന്നീട് തൃശ്ശൂർ മെഡിക്കൽ കോളേജ് ആശുപത്രിയിലും എത്തിച്ചെങ്കിലും വെള്ളിയാഴ്ച പുലർച്ചെ മരണം സംഭവിക്കുകയായിരുന്നു. 21 വയസ്സുള്ള മകനുമുണ്ട്. വിഷാദ രോഗിയായ ഇവർ ഇതിനു മുമ്പും രണ്ടുവട്ടം ഇത്തരത്തിൽ ആത്മഹത്യക്ക്  മുതിർന്നിട്ടുണ്ടെന്ന് പറയുന്നു. തൃശ്ശൂർ മെഡിക്കൽ കോളേജ് മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടിക്രമങ്ങൾ പൂർത്തിയാക്കി ബന്ധുക്കൾക്ക് വിട്ടു കൊടുക്കും.