സൗഹൃദത്തിൻ്റെ സന്ദേശം പകർന്ന് പിസി ഡബ്ലിയു എഫ് എടപ്പാൾ പഞ്ചായത്ത് കമ്മിറ്റി സംഘടിപ്പിച്ച ഇഫ്താർ ശ്രദ്ധേയമായി:

എടപ്പാൾ: പൊന്നാനി കൾച്ചറൽ വേൾഡ് ഫൗണ്ടേഷൻ (PCWF ) എടപ്പാൾ പഞ്ചായത്ത് കമ്മിറ്റി ഫ്രണ്ട്സ് ഫോറം എടപ്പാളുമായി സഹകരിച്ച് നടത്തിയ ഇഫ്താർ സംഗമം സാഹോദര്യത്തിന്റെ സന്ദേശം പകർന്ന വേദിയായി മാറി.

എടപ്പാൾ അംശക്കച്ചേരി വാദി റഹ്മ അങ്കണത്തിൽ സംഘടിപ്പിച്ച സൗഹൃദ ഇഫ്താർ ജില്ലാ പഞ്ചായത്ത് മെമ്പർ അഡ്വ: പി പി മോഹൻദാസ് ഉദ്ഘാടനം നിർവഹിച്ചു. ഫ്രണ്ട്സ് ഫോറം എടപ്പാൾ പ്രസിഡന്റ് അഡ്വ: മുഹമ്മദ് ഷാഫി അധ്യക്ഷത വഹിച്ച ചടങ്ങിൽ എടപ്പാൾ ഹോസ്പിറ്റൽസ് ചെയർമാൻ ഡോ: കെ കെ ഗോപിനാഥൻ മുഖ്യാതിഥിയായി.

അൻസാർ എഡ്യൂക്കേഷൻ ട്രസ്റ്റ് മെമ്പർ ഇ എം മുഹമ്മദ് അമീൻ റമദാൻ സന്ദേശം നൽകി. സ്വാശ്രയ പൊന്നാനി പ്രൈവറ്റ് ലിമിറ്റഡ് കമ്പനി മാർക്കറ്റിംഗ് ഡയറക്ടർ അബ്ദുൽ ലത്തീഫ് കളക്കര പി സി ഡബ്ല്യു എഫ് ൻ്റെ പ്രഥമ സംരംഭമായ സ്വാശ്രയ മാളും പൊന്മാക്സ് ഹൈപ്പർമാർക്കറ്റ് പദ്ധതിയും വിശദീകരിച്ചു.

വാർഡ് മെമ്പർ മുനീറ നാസർ ആശംസ നേർന്നു. പി സി ഡബ്ല്യു എഫ് കേന്ദ്ര കമിറ്റി ഭാരവാഹികളായ സി വി മുഹമ്മദ് നവാസ്, ഇ.പി.രാജീവ്,ടി മുനീറ, ശാരദ ടീച്ചർ തുടങ്ങിയവർ സംബന്ധിച്ചു. പി സി ഡബ്ല്യു എഫ് എടപ്പാൾ പഞ്ചായത്ത് കമ്മിറ്റി പ്രസിഡന്റ് മുരളി മേലേപ്പാട്ട് സ്വാഗതവും ട്രഷറർ പി ഹിഫ്സുറഹ്മാൻ നന്ദിയും പറഞ്ഞു. ഖലീൽ റഹ്മാൻ, ടി വി അബ്ദുറഹ്മാൻ, കമറുദ്ദീൻ, നാസർ സർദാർ എന്നിവർ നേതൃത്വം നൽകി.