ബസ്സ് കാത്തിരിപ്പ് കേന്ദ്രം സാമൂഹ്യ വിരുദ്ധരുടെ മാലിന്യ കൂമ്പാരമാകുന്നു:

എടപ്പാൾ:  സർക്കാർ ആശുപത്രി, ഗ്രാമ പഞ്ചായത്താഫീസ്, വില്ലേജ് ഓഫീസ്, കൃഷി ഭവൻ, പോസ്റ്റോഫീസ്, ഹൈസ്കൂൾ, അക്ഷയ കേന്ദ്രം, മാവേലി സ്റ്റോർ എന്നീ സ്ഥാപനങ്ങളിലേക്കും, പൊന്നാനി താലൂക്കിലെ വിവിധഭാഗങ്ങളിലേക്കും, ധാരാളം ആളുകൾ വന്നു ചേരുന്ന എടപ്പാൾ ഗ്രാമപഞ്ചായത്തിലെ പ്രധാനപ്പെട്ട ഒരു കവലയാണ് അംശക്കച്ചേരി സെന്റർ. ഇവിടെ വരികയും പേവുകയും ചെയ്യുന്ന പൊതുജനത്തിന് ബസ് കാത്തിരിക്കുവാനുളള ബസ് സ്റ്റോപ്പാണ് മലിന്യ കൂമ്പാരമായി മാറുന്നത്.

രാത്രിയായാൽ സാമൂഹിക വിരുദ്ധരുടെ ക്യാമ്പണ് ഇതിനകത്ത്. മദ്യക്കുപ്പികൾ പൊട്ടിച്ചിടുക, കുപ്പിച്ചില്ലുകൾ. പ്ലാസ്റ്റിക്കുപ്പികൾ, പ്ലാസ്റ്റിക് കവറുകൾ, ഭക്ഷണ അവശിഷ്ടൾ തുടങ്ങി കുപ്പത്തൊട്ടി കണക്കേ ബസ്റ്റോപ്പ് മാറിയിട്ടും അധികാരികൾ ശ്രദ്ധ ചെലുത്തുന്നല്ലെന്ന് നാട്ടുകാർ.

കുപ്പിച്ചില്ലിൽ തട്ടി ഒരു അമ്മയുടെ കാലിൽ മുറിവുപറ്റുകയും, യാത്രക്കാർ അറപ്പോടുകൂടി ബസ് കാത്തിരിക്കേണ്ട ഗതികേടിലായിട്ടും ശ്രദ്ധിക്കേണ്ടവർ കണ്ടില്ലെന്നു നടിക്കുന്നത് നാടിന്  ഭൂഷണമല്ല. ഹരിതകർമ്മസേനയും, തൊഴിലുറപ്പു തൊഴിലാളികളുമൊക്കെ സജ്ജമുള്ള ഒരുപഞ്ചായത്തിന്റെ ഗതികേടാണിത്.